ރާއްޖޭގެ މޫސުން ގޯސްވެ އެގާރަ އަތޮޅަަކަށް ވައިޓް އެލާޓް ނެރެފި އެވެ.
މޫސުމާއިބެހޭ ގައުމީ އިދާރާ މެޓް އޮފީހުން ބުނީ މިރޭ 10 ޖެހުމާއި ހަމައަށް ހއ އަތޮޅުން ފެށިގެން މ އަތޮޅަށް ވައިޓް އެލާޓް ނެރެފައިވާ ކަމަށެވެ. މި ވަގުތުތަކުގައި ގަޑިއަކު 19 މޭލާއި 24 މޭލާ ދެމެދުގެ ބާރު މިނުގައި ވައިޖެހޭނެ އެވެ. އަދި ކަނޑުތައް ގަދަވާނެ ކަމަށް ވަނީ ލަފާކޮށްފައެވެ.
މެޓް އޮފީހުން ވަނީ ހއ އަތޮޅުން ފެށިގެން މ އަތޮޅަށް ކަނޑުދަތުރުކުރާ މީހުން ހާއްސަ ސަމާލު ކަމެއް ދިނުމަށް އިލްތިމާސް ކޮށްފައެވެ.
ޖޫން/ޖުލައި އަކީ އާންމުކޮށް ރާއްޖޭގައި މޫސުން ގޯސް ދުވަސްވަރެކެވެ. އިއްޔެ އާއި މިއަދު މާލެއަށްވެސް ބޯކޮށް ވާރޭވެހި ބައެއް މަގުތަކުގައި ފެން ބޮޑުވެފައިވެއެވެ.