އަންނަ އަހަރު 20 ރަށެއްގައި ނަރުދަމާގެ މަސައްކަތް އަދި 20 ރަށެއްގައި ބޯފެނުގެ މަޝްރޫއު ފަށާނެ ކަމަށް އެންވައިރަންމަންޓް މިިނިސްޓަރު ތޯރިގު އިބްރާހިމް ވިދާޅުވެއްޖެ އެވެ.
މިނިސްޓަރު ތޯރިގު ވިދާޅުވީ ރައީސް ޢަބްދުﷲ ޔާމީން ވެރިކަމަށް ވަޑައިގެންނެވިފަހުން ސަރުކާރު ބަޖެޓުން ޚަރަދުކޮށްގެން ފެނުގެ ނިޒާމް ގާއިމްކުރުމަށް ބޭނުންވާ އެކިއެކި މަސައްކަތް 27 ރަށެއްގައި ފަށައިގެން ކުރިއަށްދާ ކަމަށާއި އަދި ބޭރުގެ ހިލޭ އެހީއާ، ލޯން އެހީގެ ދަށުން ފެނުގެ ނިޒާމް ގާއިމްކުރުމުގެ މަސައްކަތް 20 ރަށެއްގައި ކުރަމުން އަންނަ ކަމަށެވެ.
މިނިސްޓަރު ވިދާޅުވީ ފެނުގެ މަޝްރޫޢު ހިންގަމުންދާ 12 ރަށެއްގެ ފެނުގެ މަސައްކަތް މިއަހަރު ނިމޭނެ ކަމަށާއި އަމިއްލަ ފަރާތެއްގެ ހިލޭ އެހީގެ ދަށުން ހއ. ތުރާކުނުގައި މި އަހަރު ފެނުގެ ނިޒާމް ޤާއިމު ކޮށްފައިވާއިރު މިދިއަ އަހަރު އުކުޅަހަށް ފެނުގެ ޚިދުމަތްދެންފަށާފައިވާ ކަމަށެވެ.