ފަސް ރަށެއްގެ އަންހެނުންގެ ތަަރައްގީއަށް މަސައްކަތް ކުރާ ކޮމެޓީގެ ބައި އިލެކްޝަން އަންނަ ޖޫން މަހު ބޭއްވުމަށް ނިންމައިފި އެވެ.
އިލެކްޝަންސް ކޮމިޝަނުން ބުނީ ހއ. ވަށަފަރާއި ށ. ޅައިމަގާއި ށ. ކޮމަންޑޫ އާއި ކ. ތުލުސްދޫ އާއި އއ. ތޮއްޑޫގެ އަންހެނުންގެ ތަަރައްގީއަށް މަސައްކަތް ކުރާ ކޮމެޓީގެ ބައި އިލެކްޝަން ބޭއްވުމަށް ނިންމާފައިވާ ކަމަށެވެ. ބައި އިލެކްޝަން އޮންނާނީ ޖޫން މަހުގެ ދެވަނަ ދުވަހު އެވެ.
މި ފަސް ރަށުގައިވެސް ބައި އިލެކްޝަން ބާއްވަނީ އަންހެނުންގެ ތަަރައްގީއަށް މަސައްކަތް ކުރާ ކޮމެޓީގެ މެންބަރަކު އިސްތިއުފާ ދިނުމުންނެވެ.
ބައި އިލެކްޝަންތައް ބޭއްވުމަށް ކޮންމެ އަހަރަކުވެސް ދައުލަތުގެ ބަޖެޓުން ބޮޑު ހަރަދެއް ކުރަން ޖެހޭތީ އިންތިހާބުވާ މެންބަރުން ދައުރު ފުރިހަމަ ކުރުމަށް އިލެކްޝަންސް ކޮމިޝަނުން ވަނީ އެދިފައެވެ.