ސޭޝެލްސް

ސީޝެލްސްގެ ރައީސް މާދަމާ ރާއްޖެ ވަޑައިގަންނަވަނީ

Jun 10, 2023
ރައީސް އިބްރާހީމް މުހައްމަދު ސޯލިހާއި ސީޝެލްސްގެ ރައީސް ވޭވެލް ރާމްކަލާވަން -- ފޮޓޯ: ރައީސް އޮފީސް
0%
0%
0%

ސީޝެލްސްގެ ރައީސް ވޭވެލް ރާމްކަލާވަން ރަސްމީ ދަތުރުފުޅެއްގައި މާދަމާ ރާއްޖެ ވަޑައިގަންނަވާ ގޮތަށް ހަމަޖެހިއްޖެ އެވެ.

ސީޝެލްސްގެ ރައީސް ރާމްކަލާވަން އާއި އަނބިކަނބަލުން ލިންޑާ ރާމްކަލާވަން ރާއްޖެއަށް ކުރައްވާ މިދަތުރުފުޅަކީ ރައީސް އިބްރާހީމް މުހައްމަދު ސޯލިހްގެ ދައުވަތަކަށް ކުރައްވާ ދަތުރުފުޅެކެވެ.

ރާމްކަލާވަން ރާއްޖެއަށް ކުރައްވާ ދަތުރުފުޅުގައި އަންނަ ބުދަ ދުވަހުގެ ނިޔަލަށް ރާއްޖޭގައި ހުންނަވާނެ އެވެ.

ރާމްކަލާވަންގެ މިދަތުރުފުޅަކީ ސީޝެލްސްގެ ރައީސް އަކު ރާއްޖެއަށް ކުރައްވާ ފުރަތަމަ ރަސްމީ ދަތުރުފުޅެވެ.

ރައީސް އޮފީހުން ބުނީ މިދަތުރުފުޅުގެ ތެރެއިން ދިވެހިރާއްޖެ އާއި ސީޝެލްސްއާ ދެމެދު ރަސްމީ މަޝްވަރާތައް ބާއްވަވައި، ދެ ގައުމުގެ ގުޅުން ބަދަހިކުރެއްވުމުގެ ގޮތުން ބައެއް އެއްބަސްވުންތަކުގައި ސޮއެކުރައްވާނެ ކަމަށެވެ.

މިދަތުރުފުޅަކީ ދިވެހިރާއްޖެއާ ސީޝެލްސްއާ ދެމެދު އޮތް ގާތްގުޅުން ރަމްޒުކޮށްދޭ ދަތުރުފުޅެކެވެ. އަދި މިދަތުރުފުޅެ ސަބަބުން ދެ ގައުމަށް ފައިދާހުރި ދާއިރާތަކުން އިތުރަށް ގުޅުން ބަދަހިވެގެންދާނެ ކަމަށްވެސް ރައީސް އޮފީހުން ބުނެ އެވެ.

ސީޝެލްސްގެ ރައީސް ރާއްޖެއަށް ކުރައްވާ ދަތުރުފުޅާ ގުޅިގެން މާލޭގެ އެއް ނަންބަރު ފާލަން ސަރަހައްދުގައި އަޅާފައިވާ އުޅަނދުތައް ނަގަން ފުލުހުން ވަނީ އަންގާފަ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910