ގއ. އިން ފެށިގެން އައްޑޫ ސިޓީއާ ދެމެދުގައިވާ ރަށްތަކަށް ވައިޓް އެލާޓް ނެރެފި އެވެ.
މޫސުމާ ބެހޭ ގައުމީ އިދާރާއިން މި އެލާޓް ނެރެފައިވަނީ މިއަދު ހެނދުނު 8:45 އިން މެންދުރުފަހު 2:45 އަށެވެ.
މެޓް އޮފީހުން ބުނީ ދެކުނުގެ އަތޮޅުތަކަށް މިއަދު ވިއްސާރަކުރާނެ ކަމަށާއި ބައެއް ރަށްރަށަށް ގުގުރުމާއެކު ބޯކޮށް ވާރޭވެހުން އެކަށީގެންވާ ކަމަށެވެ.
ރާއްޖޭގެ ދެކުނުގައި ބޯވިލާތަކެއް އުފެދިފައި -- ފޮޓޯ: މެޓް އޮފީސް
މިދުވަސްވަރަކީ ރާއްޖޭގެ އެކި އަތޮޅުތަކަށް މޫސުން ގޯސް ދުވަސްކޮޅެކެވެ. ސެޓްލެއިޓު ފޮޓޯތަކުން ފެންނަ ގޮތުގައި އެންމެ ދެކުނުގެ ތިން އަތޮޅުގެ މަތީގައި ބޯވިލާތައް ވަނީ ގިނަވެފަ އެވެ.