ޗީފް އޮފް ޑިފެންސް ފޯސާ އާއި ވައިސް ޗީފް އޮފް ޑިފެންސްފޯސްގެ މަގާމުގައި ތިއްބެވި ދެ ބޭފުޅުން މަގާމުން ވަކި ކޮށް އެ ދެ މަގާމަށް އާ ދެ ބޭފުޅަކު ލެއްވި ކަމަށް އަޑު ފެތުރިފައި ވަނިކޮށް ގައުމީ ދިފާއީ ބާރުން އެކަން ދޮގު ކޮށްފި އެވެ.
ޗީފް އޮފް ޑިފެންސް ފޯސް މޭޖާ ޖެނެރަލް އަހުމަދު ޝިޔާމާއި ވައިސް ޗީފް އޮފް ޑިފެންސް ފޯސް ބްރިގޭޑިއާ ޖެނެރަލް އަހުމަދު މުހައްމަދު މަގާމުން ވަކިކޮށް އެ ދެ މަގާމަށް އާ ދެބޭފުޅަކު ހަމަޖައްސަވާފައިވާ ކަމަށް މިއަދު އަޑުތައް ފެތުރިފައި ވަނިކޮށް އެމްއެންޑީއެފުގެ އޮފިޝަލް ޓްވިޓާ އެކައުންޓުން މެދުވެރިކޮށް ބުނެފައި ވަނީ އެފަދަ އެއްވެސް ބަދަލެއް އަދި އައިސްފައި ނުވާކަމަށެވެ.
މިއަދު ހަބަރުތައް ފެތުރުނު ގޮތުން ޗީފް އޮފް ޗީފް އޮފް ޑިފެންސްފޯސްއަކަށް ލެއްވީ ބްރިގޭޑިއާ ޖެނެރަލް ޒަކަރިއްޔާ މަންސޫރެވެ. ވައިސް ޗީފް ކަމަށް ހަމަޖެއްސީ ކާނަލް ފަޔާޒް (ޕާޕާ) އެވެ.