ސިވިލް ސާވަންޓުންގެ މުސާރަ ބޮޑުކޮށްދިނުމަށް އެދި ރައީސް ޑރ. މުހައްމަދު މުއިއްޒަށް ޕެޓިޝަނެއް ހުށަހަޅައިފި އެވެ.
މި ޕެޓިޝަންގައި 439 މީހުން ވަނީ ސޮއިކޮށްފަ އެވެ.
ސިވިލް ސާވަންޓުންނަކީ ގައުމު ހިންގުމުގައި މުހިންމު ދައުރެއް އަދާކުރާ ބައެއްކަން ފާހަގަކޮށް ޕެޓިޝަންގައި ވަނީ ސިވިލް ސާވަންޓުންނަށް ލިބޭ މުސާރައަކީ އެންމެ އެކަށީގެންވާ ވަރުގެ މުސާރައެއް ނޫން ކަމަށެވެ.
ބާޒާރުގައި އަގުތައް އުފުލިފައިވާއިރު ލިބެނީ އެކަށީގެންވާ މުސާރައެއް ކަމަށް ގަބޫލު ނުކުރެވޭ ކަމަށްވެސް ޕެޓިޝަންގައި ބުނެފައިވެ އެވެ. އަދި މިކަމުގެ ސަބަބުން ސިވިލް ސާވަންޓުންގެ ދިރިއުޅުމަށް ނޭދެވޭ އަސަރުތައް ކުރަމުން އަންނަ ކަމަށްވެސް ޕެޓިޝަންގައި ބުނެފައިވެ އެވެ.
ޕޭ ހާމަނައިޒޭޝަން އަށް މި އަހަރުގެ ބަޖެޓުގައި 500 މިލިއަން ރުފިޔާ ވަނީ ހިމަނާފަ އެވެ.