އެމެރިކާގެ މަޝްހޫރު ވިޔަފާރިވެރިޔާ، އީލޮން މަސްކްގެ ސްޓާލިންކް ސެޓެލައިޓްތަކުން ޔުކްރޭނަށް -- ސީދާ ސެލްފޯންތަކަށް ސިގްނަލް ޚިދުމަތް ދޭން ފަށަނީ އެވެ.
މިއީ ލޯކަލް ސްޓޭޝަނެއް ބިމުގައި ގާއިމުކުރުމެއް ނެތި މޮބައިލް ފޯނަށް ސިގްނަލް ދިނުމަށް ސްޓާލިންކުން ހިންގާ ޕްރޮގްރާމެކެވެ. ނަމަވެސް، ޔުކްރޭނަށް މި ޚިދުމަތް ދިނުމަށް އެ ގައުމުގެ އެންމެ ބާރުގަދަ އިންޓަނެޓް ކުންފުނި، ކީވްސްޓާ ބައިވެރިވާނެ އެވެ.
ރިޕޯޓްތައް ބުނާ ގޮތުން މި އަހަރުގެ ފުރަތަ ކުއާޓަރުގައި ސްޓާލިންކުން ޔުކްރޭނަށް ޚިދުމަތް ފަށާނެ އެވެ. އަޖުމަ ބެލުމަށް ފުރަތަ ފިޔަވަހީގައި ފަށާ ގޮތަށް އޮތީ "އެސްއެމްއެސް މެސެޖިން" އަދި "އޯޓީޓީ މެސެޖިން" އެވެ.
ސްޓާލިންކުން ޔުކްރޭނަށް "ޑައިރެކްޓް ސެލް ސާވިސް" ފެށުމުން މުޅި ދުނިޔޭގައި ވެސް އެންމެ ފުތަމަ މި ޚިދުމަތް ފެށި ގައުމަކަށް ޔުކްރޭން ވާނެ އެވެ. މި ޚިދުމަތް ޔުކްރޭނަށް ފޯޜުކޮށްދިނުމަށް އަގުކޮށްފައި ވަނީ ކިހާ އަދަދަކަށް ކަމެއް، އެއްވެސް ބަޔަކު އަދި ހާމައެއް ނުކުރެ އެވެ.
ޔުކްރޭނަށް ސްޓާލިންކް ޑައިރެކްޓް ޓް ސެލް ޓެކްނޮޖީ ފަށަން ޖެހުނީ، ރަޝިއާއިން ދޭ ހަމަލާތަކުގައި އަބަދާއި އަބަދު މޮބައިލް ޓަވަރުތައް ހަލާކުވެ އިންޓަނެޓާއި ފޯނުގެ ޚިދުމަތްތައް ކެނޑެމުންދާތީ އެވެ.
އީލޮން މަސްކްގެ ސްޓާލިންކް އަކީ ސްޕޭސްއެކްސްގެ ގޮތްޕެކެވެ. އެމެރިކާގައި ރަޖިސްޓަރީކޮށްގެން ހިންގާ މި ކުންފުންޏަށް، ޑައިރެކްޓް ސެލް ސާވިސް، ޚިދުމަތް ދިނުމަށް ބޭނުންވާ ހުއްދަ އެމެރިކާގެ ފެޑެރަލް ކޮމިއުނިކޭޝަނުން ދިނީ މިދިއަ މަހު އެވެ.
ރަޝިއާ، ޔުކްރޭން އަރާރުންތަކުގައި މަސްކް ފެންނަނީ ވަކިކޮޅަކަށް ބުރަވެވަޑައިނުގެން އެކަމަކު ޔުކްރޭންގެ ވެރިންނަށް ނުސީދާ ބަސްތައް ވިދާޅުވެ، ވާޑުވިދާޅުވާ ބޭފުޅެއް ގޮތުގަ އެވެ.
ޔުކްރޭން ހަނގުރާމައިގެ ކުރީކޮޅު، ޔުކްރޭނަށް އިންޓަނެޓުން ލިބުން ދަތިވެފައި އޮތް ދަނޑިވަޅެއްގައި، ސްޓާލިންކުން ވަނީ 80 މިލިން ޑޮލަރުގެ އިންޓަނެޓް ޓާމިނަލް ޔުކްރޭނަށް ހަދިޔާކޮށްފަ އެވެ.
ނަމަވެސް، މި ފަހަރު ސެޓެލައިޓް މެދުވެރިކޮށް ސީދާ މޮބައިލް ފޯނަށް ގުޅުން ދޭން ހިންގާ ޕްރޮޖެކްޓަކީ ހިލޭސާބަހަށް ނުވަގަ އެއްވެސް މަންފާއަކަށް ކުރާ ކަމެއްކަން ސްޓާލިންކުން އަދި ނުބުނެ އެވެ.