އައްޑޫގައި ތަމްރީން ހަދަމުން ދިޔަ ދަރިވަރުންގެ ތެރެއިން ކާނާ ވިހަވެ ހާލު ގޯސްވުމާ ގުޅިގެން އައިސީޔޫގައި ފަރުވާ ދެމުން ދިޔަ ދެ ދަރިވަރުން ވޯޑަށް ބަދަލުކޮށްފި އެވެ.
ކާނާ ވިހަވުމާ ގުޅިގެން މިމަހުގެ 17 ވަނަ ދުވަހު ފުލުހުންގެ 32 ދަރިވަރަކު އައްޑޫ އިކުއިޓޯރިއަލް ހޮސްޕިޓަލަށް ގެންގޮސް ފަރުވާ ދޭން ޖެހުނެވެ.
ފުލުހުން މައުލޫމާތު ދޭ ގޮތުގައި މިހާރު ހޮސްޕިޓަލްގައި ތިބޫ އައީސީޔޫ އިން ވޯޑަށް ބަދަލުކުރި ދެ ދަރިވަރުން އެކަންޏެވެ. ދެ ދަރިވަރުންގެ ހާލުވެސް މިހާރު ރަނގަޅު ކަމަށްވެސް ފުލުހުން ބުނެ އެވެ.
ތަމްރީން ހަދަމުން ދިޔަ ދަރިވަރުންތަކެއް ކާނާ ވިހަވެގެން ހާލު ދެރަވި ނަމަވެސް މި މައްސަލައިގެ ފުރިހަމަ މައުލޫމާތު ފުލުހުން އަދިވެސް ހާމައެއް ނުކުރެ އެވެ.