ވ. ފުލިދޫ ކައިރީގައި ފީނަމުން ދިޔަ ޗައިނާގެ ހަތް މީހަކު ގެއްލިގެން ހޯދަމުން ދަނިކޮށް ފެނިއްޖެ އެވެ.
ފުލުހުން މިރޭ މީޑިއާއަށް ފޮނުވި މެސެޖެގައި ބުނީ އެ މީހުން ފީނަމުން ދިޔައީ ފުލިދޫ ކައިރީގައި އޮންނަ "ބޯމަސް ކަނޑު" ޑައިވް ސައިޓަށް ކަމަށެވެ.
ފީނަމުން ދިޔަ ހަތް މީހުން ގެއްލިގެން ފުލުހުންނަށް ރިޕޯޓް ކުރީ މިރޭ 6:26 ހާއިރު އެވެ.
އެ މީހުން ހޯދުމުގެ މަސައްކަތް ފުލިދޫ ލޯންޗަކުން ކުރަމުން ދަނިކޮށް އެ ހަތް މީހުން މިހާރު ފެނިފައިވާ ކަމަށްވެސް ބުންޏެވެ.
އެންމެންގެ ހާލުވެސް ރަނގަޅު ކަމަށް ފުލުހުން މައުލޫމާތު ދީފައިވެ އެވެ.