ލޯންޗަކުން ޖެހި އަނިޔާވި ފަތުރުވެރިޔާ މަރުވެއްޖެ އެވެ.
އދ. އަތޮޅުގައި ހިންގާ ރެޑިސަން ބުލޫ މޯލްޑިވްސްގައި ޗުއްޓީ ހޭދަކުރަމުން ދިޔަ ފަތުރުވެރިޔާގެ ގައިގައި ލޯންޗަކުން ޖެހުނީ މިއަދު ހެނދުނު 10:00 ޖަހާ އެހާއިރު އެވެ.
މިހާދިސާގައި މަރުވީ އާޖެންޓީނާއަށް ނިސްބަތްވާ އުމުރުން 55 އަހަރުގެ ފިރިހެނެކެވެ.
އޭނާ މަރުވީ ހާދިސާ ހިނގިތާ އިރުކޮޅެއް ފަހުން ކަމަށް މައުލޫމާތު ލިބެ އެވެ.
މިއެކްސިޑެންޓްގައި އެ މީހާގެ އަތާއި މޫނުގެ ބައެއް ވަނީ ވަކިވެފަ އެވެ.
ފުލުހުން ގެންދަނީ މިހާދިސާ އިތުރަށް ތަހުގީގު ކުރަމުންނެެވެ.