ހިއުމަން ރައިޓްސް ކޮމިޝަން އޮފް މޯލްޑިވްސް (އެޗްއާރްސީއެމް)ގެ މެންބަރު ކަމަށް އިސްމާއީލް ހަބީބް އަބްދުއްރަހީމް މިއަދު އައްޔަންކުރައްވައިފި އެވެ.
ރައީސުލްޖުމްހޫރިއްޔާގެ އޮފީހުގައި މިއަދު ބޭއްވި ރަސްމިއްޔާތެއްގައި ހަބީބް މަގާމަށް އައްޔަންކުރައްވާ އޭނާއަށް ލިޔުން ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު އެވެ.
އެޗްއާރްސީއެމްގެ މެންބަރު ކަމަށް ހަބީބް އައްޔަންކުރައްވާފައި މިވަނީ އޭނާއަށް ރައްޔިތުންގެ މަޖިލީހުން ރުހުން ދިންތާ މަހަކަށް ވުރެ ގިނަ ދުވަސް ފަހުންނެވެ.
އެޗްއާރްސީއެމްގެ މެންބަރު ކަމަށް ހަބީބް އައްޔަންކުރުމަށް މަޖިލީހުން ރުހުން ދިނީ މިދިޔަ ޖުލައި 31 ވަނަ ދުވަހު އެވެ.
އެޗްއާރްސީއެމްގެ މެންބަރެއްގެ މަގާމު ހުސްވީ ކުރިން މެންބަރެއްގެ ގޮތުގައި ހުންނެވި ޑރ. އަހްމަދު އަދުހަމް އަބްދުﷲ މިދިޔަ އަހަރުގެ އޮކްޓޫބަރު މަހުގެ ތެރޭގައި މަގާމުން އިސްތިއުފާ ދެއްވުމާ ގުޅިގެންނެވެ.
ހަބީބް މީގެ ކުރިން ވަނީ އިލެކްޝަންސް ކޮމިޝަންގެ މެންބަރުކަން 10 އަހަރު ކުރައްވާފަ އެވެ.
