ރައީސް ޑރ. މުހައްމަދު މުއިއްޒު، ޕާކިސްތާނުގެ ބޮޑުވަޒީރު ޝެހްބާޒް ޝަރީފްއާ މިއަދު ބައްދަލުކުރައްވައިފި އެވެ.
މި ދެ ބޭފުޅުން ބައްދަލުކުރެއްވީ ދެ ބޭފުޅުންވެސް އެމެރިކާގެ ނިއު ޔޯކުގައި ކުރިއަށް ގެންދާ އދގެ އާންމު މަޖިލީހުގެ 79 ވަނަ ބައްދަލުވުމުގެ ހަވާސާ ގައެވެ.
ޝެހްބާޒްއާ ރައީސް މުއިއްޒުގެ މިއަދުގެ ބައްދަލުވުމަކީ ޕާކިސްތާނާއި ރާއްޖޭގެ އިސްވެރިން އަހަރުތަކަކަށްފަހު މިގޮތަށް ބޭއްވެވި ފުރަތަމަ ބައްދަލުވުމެވެ.
އެގޮތުން ރާއްޖޭގެ ރައީސަކު އެންމެ ފަހުން ޕާކިސްތާނުގެ ބޮޑުވަޒީރަކާ ބައްދަލު ކުރެއްވީ ކުރީގެ ރައީސް އަބްދުﷲ ޔާމީންގެ ވެރިކަމުގައި އޭރުގެ ޕާކިސްތާނުގެ ބޮޑުވަޒީރު މުހައްމަދު ނަވާޒް ޝަރީފް، ރާއްޖެއަށް ކުރެއްވި ރަސްމީ ދަތުރުފުޅު ގައެވެ.
ރައީސް މުއިއްޒު ވެރިކަމާ ހަވާލުވެވަޑައިގެން މިދިޔަ އަހަރު ކޮޕް28 ކޮންފަރެންސްގައި ބައިވެރިވެވަޑައިގަތުމަށް ޔޫއޭއީއަށް ކުރެއްވި ދަތުރުފުޅުގައިވެސް އެމަނިކުފާނުގެ ޕާކިސްތާންގެ އިސްވެރިންނާ ބައްދަލުކުރައްވާފަ އެވެ.