ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)އާއި އެ ތަނުގެ ހިންގާ ކޮމިޓީގެ މެންބަރުންނާ ދެކޮޅަށް ސޯޝަލް މީޑިއާގައި ހަގީގަތާ ހިލާފު އަދި ބޭއަދަބީ ވާހަކަތައް ދައްކާ ފަރާތްތަކަށް ފިޔަވަޅު އެޅުމަށް ފާސްކޮށްފި އެވެ.
މިގޮތަށް ނިންމީ އިއްޔެ ރޭ ބޭއްވި ވީއެމްއޭގެ އެކްސްޓްރާ އޯޑިނަރީ ޖަލްސާގައި ބައިވެރިވި މެންބަރުންގެ އިއްތިފާގުންނެވެ.
ހ. ބޯޅަގޭގައި ބޭއްވުނު މި ޖަލްސާގައި ވީއޭއެމްގެ ހުރިހާ މެމްބަރު ކްލަބްތަކުގެ މަންދޫބުން ބައިވެރިވި އެވެ.
މީގެތެރޭގައި ކޮމިޝަނާ އޮފް ސްޕޯޓްސް، މޯލްޑިވްސް އޮލިމްޕިކް ކޮމިޓީ، މޯލްޑިވްސް ސްޕޯޓްސް ނެޝަނަލް ކައުންސިލް އަދި ސެންޓްރަލް އޭޝިއަން ވޮލީބޯލް އެސޯސިއޭޝަން (ކާވާ)ގެ އޮބްޒާވަރުންވެސް ބައިވެރިވި އެވެ.
ވީއޭއެމްގެ އެކްސްޓްރާ އޯޑިނަރީ ޖަލްސާގައި އެސޯސިއޭޝަންގެ 2020 އިން 2023 އަށް ހުރި އޮޑިޓް ރިޕޯޓްތައްވެސް ފާސްކޮށްފައިވެ އެވެ.
ވީއޭއެމްގެ ރައީސް މުޙައްމަދު ލަތީފް ރިޔާސަތު ބެލެހެއްޓެވި މި ޖަލްސާގައި، އެސޯސިއޭޝަންގެ ހިންގާ ކޮމިޓީގެ 15 މެންބަރުންގެ ތެރެއިން 13 މެންބަރުން ބައިވެރިވި އެވެ.