ރައްޔިތުންގެ މަޖިލީހުގެ ނައިބް ރައީސް އަހްމަދު ނާޒިމް ޗައިނާއަށް ފުރާވަޑަައިގެންފި އެވެ.
ނާޒިމް ޗައިނާއަށް ފުރާވަޑައިގެންނެވީ މިއަހަރުގެ ގްލޯބަލް އޯޝަން ޑިވެލޮޕްމަންޓް ފޯރަމްގައި ބައިވެރިވަޑައިގަތުމަށެވެ.
މިފޯރަމް ކުރިއަށް ދާނީ މިމަހުގެ 24 އަދި 25 ވަނަ ދުވަހު އެވެ.
ފޯރަމުގެ ތީމަކީ "ލެޓްސް ސީ އަވާ ފިއުޗާސް -- ޕްރޮމޯޓިން ބްލޫ ޕާޓްނާޝިޕް ފޯ ގްރޯތް އެންޑް ސަސްޓެއިނަބިލިޓީ" އެވެ.
މި ފޯރަމް ކޮންމެ އަހަރަކުވެސް އިންތިޒާމުކުރަނީ ޗައިނާގެ ޝަންޑޮންގް ޕްރޮވިންޝަލް ޕީޕަލްސް ސަރުކާރާއި ނެޗުރަލް ރިސޯސަސް މިނިސްޓްރީ ގުޅިގެންނެވެ.
މަޖިލީހުން ބުނީ ނާޒިމްއާ އެކު މި ދަތުރުފުޅުގައި ފިޝަރީޒް މިނިސްޓަރު އަހްމަދު ޝިޔާމުގެ އިތުރުން ބައެއް މިނިސްޓަރުންނާއި މަޖިލީހުގެ މެމްބަރުން ބައިވެރިވަޑައިގަންނަވާ ކަމަށެވެ.