ބައެއް މިނިވަން މުއައްސަސާތަކުގެ ރައީސުންނާއި ނައިބް ރައީސުން އަދި ބައެއް މެންބަރުން ވަކިކުރުމުގެ މަސައްކަތް ރައްޔިތުންގެ މަޖިލީހުން ފަށައިފި އެވެ.
ރައްޔިތުންގެ މަޖިލީހުގެ މާދަމާގެ ޖަލްސާގެ އެޖެންޑާގައި ރިޔާސަތުން ހުށަހަޅާ ކަންކަމުގެ ތެރޭގައި މިމައްސަލަ ހުށަހެޅުން ވަނީ ހިމަނާފަ އެވެ.
މިމައްސަލަ މަޖިލިހުގެ ދާއިމީ ކޮމިޓީއަކަށް ހުށަހެޅުމަށްވެސް މާދަމާގެ ޖަލްސާގެ އެޖެންޑާގައި ހިމަނާފައިވެ އެވެ.
މާދަމާގެ ޖަލްސާގެ ހިމަނާފައިވަނީ ސިވިލް ސާވިސް ކޮމިޝަން (ސީއެސްސީ)ގެ ރައީސް މުހައްމަދު ނާސިހް އާއި، އިލެކްޝަންސް ކޮމިޝަން (އީސީ)ގެ ނައިބް ރައީސް އަލީ ނަޝާތު އާއި، އެކޮމިޝަންގެ މެންބަރު ޑރ. މުހައްމަދު ޒާހިރާއި މުހައްމަދު އާސިފް އާއި އެންޓި ކޮރަޕްޝަން ކޮމިޝަން (އޭސީސީ)ގެ ނައިބް ރައީސް އަބްދުއްސަލާމާއި އެ ކޮމިޝަންގެ މެންބަރު ތޯހާ މުހައްމަދު އެވެ.
މި ބޭފުޅުން މަގާމުން ވަކިކުރަން ނިންމާ ވަކި ސަބަބެއް އަދި ނޭނގޭ އެވެ.
ބައެއް މިނިވަން މުއައްސަސާތަކުގެ މެންބަރުން ވަކިކުރުމުގެ މަސައްކަތް މަޖިލީހުގެ މިނިވަން މުއައްސަސާތަކުގެ ކޮމިޓީން މިދިޔަ ހަފްތާގެ ތެރޭގައި ކުރިއަށް ގެންގޮސްފައިވާ ކަމަށްވެސް ބައެއް މެބްބަރުންގެ ފަރާތުން އެނގިފައިވެ އެވެ.
ބައެއް މިނިވަން މުއައްސަސާތަކުގެ ރައީސުންނާއި ނައިބް ރައީސުން އަދި ބައެއް މެންބަރުން ވަކިކުރަން ނިންމާފައިވަނީ މިވަނީ އޭސީސީއާއި އީސީގެ ރައީސް އާއި ނައިބް ރައީސް އަކީ ރައީސުލްޖުމްހޫރިއްޔާ އައްޔަންކުރައްވާ ބޭފުޅުންގެ ގޮތުގައި ހަމަޖެއްސުމަށް މަޖިލީހުގައި މަސައްކަތްތަކެއް ކުރަމުންދާ ވަގުތެއްގައެވެ.