އީރާންގެ ނިއުކްލިއާ މަރުކަޒުތަކަށް ހަމަލާދީގެން ނުވާނެ ކަމަށް އިންޓަނޭޝަނަލް އެޓޮމިކް އެނާޖީ އެޖެންސީ (އައިއޭއީއޭ) ގެ ވެރިޔާ ރަފޭލް ގްރޮސީ ވިދާޅުވެއްޖެ އެވެ.
ގްރޮސީ ވިދާޅުވި ގޮތުގައި، އިޒުރޭލުން އީރާނަށް ދޭ ހަމަލާތައް، އީރާންގެ ނިއުކްލިއާ މަރުކަޒުތަކަށް އަމާޒުކުރާނެ ކަމަށް ބުނުމަކީ ހެދޭ ވަރަށް ބޮޑު ގޯހެެކެވެ. އެކަމުގެ ސަބަބުން ނުރައްކާ ވާނީ ހަމައެކަނި އީރާނަށް ނޫން ކަމަށްވެސް އޭނާ ވިދާޅުވި އެވެ.
އިޒުރޭލުންދޭ އިންޒާރުގެ ސަބަބުން ހުރިހާ ގެއްލުމެއް ވާނީ މުޅި ސަރަހައްދަށް ކަމަށްވެސް ގްރޮސީ ވިދާޅުވި އެވެ.
އީރާނުން އައިއޭއީއޭ އަށް އެއްބާރުލުންދޭ މިންވަރު މުޅިން ގޯސް ނޫން ކަމަށް ވެސް ގްރޮސީ ވިދާޅުވި އެވެ. އަނެއްކޮޅުން ނިއުކްލިއާ އިންޖީނުގެތަކަށް ހަމަލާދިނުމަކީ ބައިނަލްއަގްވާމީ ގާނޫންތަކަ މުޅިން ޚިލާފު އަމަލެއް ކަމަށް ވެސް އައިއޭއީއޭ ވެރިޔާ ވިދާޅުވި އެވެ.
ރަފޭލް ގްރޮސީ މިހާރު ހުންނެވީ އީރާންގެ ވެރިރަށް ތެހެރާންގަ އެވެ. އެއީ އީރާންގެ ނިއުކްލިއާ ހަރަކާތްތައް ހިނގާ ގޮތް ބެއްލެވުމަށެވެ.
ތެހެރާންގައި ނޫސްވެރިންނަށް މައުލޫމާތުދެއްވަމުން ގްރޮސީ ވިދާޅުވީ، އީޒުރޭލަށް މިގެ ކުރިންވެސް އޮންނަނީ -- އީރާންގެ ނިއުކްލިއާ އިންޖީނުގެތަކަށް ހަމަލާނުދިނުމަށް އިންޒާރުދީފަ ކަމަށެވެ.
އިންޓަނޭޝަނަލް އެޓޮމިކް އެނާޖީ އޭޖެންސީއަށް އެއްބާރުލުން ދޭނެ ކަމަށް އީރާނުން ވެސް އޮތީ ބުނެފަ އެވެ.
އީރާނުން ދައްކާ ވާހަކަ ރަނގަޅަށް އަޑުއަހައި، ނިއުކްލިއާ ހަކަތައާ ބެހޭ ގޮތުން ބައިނަލްއަގްވާމީ ފެންވަރުގައި ގަބޫލުކުރެވޭ މިންގަނޑުތަކުން އީރާނަށް އަމަލުކުރާ ނަމަ އައިއޭއީއޭ އަށް ފުރިހަމައަށް އެއްބާލުން ދޭނެ ކަމަށް އީރާނުން ބުންޏެވެ.
އީރާންއާ އިޒުރޭލާ ދެމެދު ހަމަނުޖެހުންތައް ފެށޭ ތަނުން އިރާންގެ ނިއުކްލިއާ އިންޖީނުގެތަކަށް ހަމަލާދޭ ވާހަކަ އިޒުރޭލުން ދައްކަ އެވެ. އަދި އީރާނުން ނިއުކްލިއާ ބޮމެއް އުފައްދަންދެން މަޑުން ނޯންނާނެ ކަމަށް ވެސް އިޒުރޭލުން ބުންޏެވެ.
އިޒުރޭލު ބުނާ ގޮތުން އީރާނުން ނިއުކްލިއާ ބޮމެއް އުފައްދަނީ އިޒުރޭލަށް ހަމަލާދިނުމަށެވެ. އީރާން އަކީ އިޒުރޭލު އަންދާލާނެ ކަމަށް ބުނާ ގައުމަކާށް ވާއިރު، އީރާނުން ނިއުކްލިއާ ބޮމެއް އުފައްދަން ދޫކޮށްލައިގެން ނޯވެވޭނެ ކަމަށްވެސް އިޒުރޭލުން ބުންޏެވެ.