ފަހި ދިރިއުޅުން ކޯޕަރޭޝަން (އެފްޑީސީ)ގެ އެއް ބިލިއަން ރުފިޔާގެ ހިއްސާގެ ބަދަލުގައި ފިނޭންސް މިނިސްޓްރީން 19 ބިމެއް އެ ކޯޕަރޭޝަނަށް މިލްކުކޮށްދީފި އެވެ.
އެފްޑީސީއަކީ ސަރުކާރުން 100 ޕަސެންޓް ހިއްސާވާ ކުންފުންޏެކެވެ. އެ ކުންފުނީގެ 200 މިލިއަން ހިއްސާގެ އަގަކީ ދެ ބިލިއަން ރުފިޔާ އެވެ.
ފިނޭންސް މިނިސްޓްރީގެ ނަމުގައި އޮތް 19 ބިމެއް ސަރުކާރުން އެފްޑީސީއަށް ދިނީ ސަރުކާރުން އަގު އަދާނުކޮށް އޮތް 107 މިލިއަން ހިއްސާގެ ތެރެއިން 103 މިލިއަން ހިއްސާއަށްވާ އަގުގެ ގޮތުގަ އެވެ.
އެ ބިންތަކުގެ އަގުގެ ގޮތުގައި ދެ ފަރާތުން އެއްބަސްވެފައިވަނީ 1.3 ރުފިޔާ އެވެ.
ސިވިލް ކޯޓުން ވަނީ މި މުއާމަލާތަކީ ސައްހަ މުއާމަލާތެއް ކަމަށް ކަނޑައަޅާފަ އެވެ.