ވެލާނާ އިންޓަނޭޝަނަލް އެއާޕޯޓް (ވީއައިއޭ) ތަރައްގީ ކުރުމުގެ މަޝްރޫއަށް އަބޫދާބީ ފަންޑް ފޮ ޑިވެލޮޕްމަންޓް (އޭޑީއެފްޑީ) އިން އިތުރު 40 މިލިއަން ޑޮލަރުގެ ލޯނު އެއްބަސްވުމެއްގައި ސޮއިކޮށްފި އެވެ.
މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ފިނޭންސް މިނިސްޓަރު މޫސާ ޒަމީރު އެވެ. އަބޫދާބީ ފަންޑުގެ ފަރާތުން ސޮއިކުރެއްވީ ޑިރެކްޓަ ޖެނެރަލް މުހައްމަދު ސައިފް އަލް ސުވައިދީ އެވެ.
އެއްބަސްވުމުގައި ސޮއިކުރެއްވުމަށްފަހު މިނިސްޓަރު މޫސާ ޒަމީރު ވިދާޅުވީ ވީއައިއޭ ތަރައްގީކުރުމުގެ މަޝްރޫއާއެކު ޓޫރިޒަމުން ލިބޭ އާމްދަނީ އިތުރުވެގެންދާނެކަން ފާހަގަކުރައްވާފަ އެވެ.
ވީއައިއޭ ތަރައްގީކުރުމުގެ މަޝްރޫއަށް އަބޫދާބީ ފަންޑުގެ އިތުރުން ސައުދީ ފަންޑުން މީގެ ކުރިން ވަނީ ލޯނު ދީފަ އެވެ.
ވީއައިއޭ ތަރައްގީކުރުމުގެ މަޝްރޫއު ފެށީ ކުރީގެ ރައީސް އަބްދުﷲ ޔާމީންގެ ވެރިކަމުގަ އެވެ.
ވީއައިއޭގެ އާ ޓާމިނަލްގެ މަސައްކަތް ނިންމާ އަންނަ އަހަރު ހުޅުވުމަށް ދަނީ މަސައްކަތް ކުރަމުންނެވެ.