ގައުމީ ހޭންޑްބޯޅަ މުބާރާތުގެ އެއްވަނަ ޑިވިޝަންގެ ފިރިހެން ބައިން ޗެމްޕިއަންކަން ޖީބީ ސްޕޯޓްސް ކުލަބު އަދި އަންހެން ބައިން ރެޑްހޯކްސް އިން ހޯދައިފި އެވެ.
ފިރިހެނުންގެ ބައިގައި، ޖީބީ ސްޕޯޓްސް ކުލަބު އާއި ފިއުޗާ ސްޕޯޓްސް ކުލަބު ވާދަކުރި މެޗު ފޯރިގަދަ ކުޅުމަކަށްފަހު ޖީބީ ކާމިޔާބު ކުރީ 34-35ގެ ނަތީޖާއަކުންނެވެ.
ޖީބީ މުބާރާތުގެ ފައިނަލުން ޖާގަ ހޯދީ ލީގު ބުރުގައި ކުޅުނު ހަތަރު މެޗުން ލިބުނު ނުވަ ޕޮއިންޓާއެކު ލަނޑުގެ ތަފާތުން ލީގު ބުރުގެ އެއްވަނަ ޓީމުގެ ގޮތުގައެވެ. އަދި ފިއުޗާ ފައިނަލުން ޖާގަ ހޯދީ ލީގު ބުރުގައި ކުޅުނު ހަތަރު މެޗުން ލިބުނު ނުވަ ޕޮއިންޓާއެކު ލަނޑުގެ ތަފާތުން ލީގު ބުރުގެ ދެވަނަ ޓީމުގެ ގޮތުގައެވެ.
މި އަހަރުގެ މުބާރާތުގައި ފުރަތަމަ ޑިވިޝަންގައި ތިން ޓީމު ބައިވެރިވެފައިވެ އެވެ. މެޗުތައް ކުޅެފައިވަނީ ލީގު އުސޫލުންނެވެ. އެގޮތުން ކޮންމެ ޓީމަކުން އެހެން ޓީމުތަކާއެކު ދެ މެޗު ކުޅެ، އެންމެ ރަނގަޅު ނަތީޖާ ހޯދާ ދެ ޓީމު ފައިނަލަށް ދިޔަ އެވެ.
ގައުމީ ހޭންޑްބޯޅަ މުބާރާތުގެ ދެވަނަ ޑިވިޝަންގެ ފައިނަލް މެޗުތައް މިރޭ މާލެ ހޭންޑްބޯޅަ ސްޓޭޑިއަމްގައި ކުޅޭނެ އެވެ.