ރާއްޖެއަށް މި އަހަރުގެ މިހާތަނަށް ދެ ލައްކައަށްވުރެ ގިނަ ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މިމަހުގެ 23 ވަނަ ދުވަހުގެ ނިޔަލަށް ރަޝިއާއިން 201،400 ފަތުރުވެރިން ޒިޔާރަތްކޮށްފައިވެ އެވެ.
މިއީ މިއަހަރުގެ މި މުއްދަތުގައި ރާއްޖެ ޒިޔާރަތްކުރި 1.79 މިލިއަން ފަތުރުވެރިންގެ 11.2 ޕަސެންޓެވެ.
ރަޝިއާއަކީ ރާއްޖެއަށް މިހާރު ދެވަނައަށް އެންމެ ގިނައިން ފަތުރުވެރިން ޒިޔާރަތްކުރާ ގައުމެވެ.
ފަތުރުވެރިކަމުގެ ގަދަ 10 ގައުމު
- ޗައިނާ – 248،100
- ރަޝިއާ – 201،400
- އިނގިރޭސިވިލާތް – 156،200
- ޖަރުމަނު – 139،000
- އިޓަލީ – 121،800
- އިންޑިއާ – 109،600
- އެމެރިކާ – 60،200
- ފްރާންސް – 47،188
- ސްޕެއިން – 42،300
- ސްވިޓްޒަލޭންޑް – 35،800
ރާއްޖެއަށް މި އަހަރުގެ މިހާތަނަށް ޒިޔާރަތްކުރި ފަތުރުވެރިންގެ އަދަދު ވަނީ މިދިޔަ އަހަރުގެ މި މުއްދަތަށްވުރެ 9.2 ޕަސެންޓް އިތުރުވެފަ އެވެ.
ފަތުރުވެރިކަމަށް މިވަގުތު ރާއްޖޭގައި 1،242 ތަނެއް ދަނީ ހިންގަމުންނެވެ. މީގެ ތެރޭގައި 171 ރިސޯޓާއި 902 ގެސްޓްހައުސް އާއި 155 ސަފާރީ އަދި 14 ހޮޓާ ހިމެނެ އެވެ.