ވޯލްޑް ޓްރެވަލް އެވޯޑްސްގެ "ވޯލްޑްސް ލީޑިން ޑެސްޓިނޭޝަން އެވޯޑް" ރާއްޖެއިން ޖެހިޖެހިގެން ފަސް ވަނަ ފަހަރަށް ހޯދައިފި އެވެ.
ޕޯޗުގަލްގެ މެޑީރާގައި ބޭއްވި ހަފްލާގައި ރާއްޖެއިން އެވޯޑާ ހަވާލުވެ ވަޑައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ.
ވޯލްޑް ޓްރެވަލް އެވޯޑްސްގައި ރާއްޖެއަށް ވަނީ ވޯލްޑްސް ލީޑިން ގްރީން ޑެސްޓިނޭޝަން އެވޯޑްވެސް ލިބިފަ އެވެ.
އެވޯޑް ލިބުމާއި ގުޅިގެން މިނިސްޓަރު ފައިސަލް ވިދާޅުވީ މިފަދަ ޝަރަފުވެރި އެވޯޑްތައް ރާއްޖެއަށް ލިބެނީ ފަތުރުވެރިކަމުގެ ދާއިރާގެ އެންމެންގެ ބުރަ މަސައްކަތުން ކަމަށެވެ.
ރާއްޖެއިން 2020 ވަނަ އަހަރުން ފެށިގެން އަންނަނީ ދުނިޔޭގެ މަޤްބޫލް މަންޒިލްތަކާއި ވާދަކޮށް މި އެވޯޑް ހާސިލުކުރަމުންނެވެ.