ރާއްޖެއަށް މިދިޔަ ނޮވެމްބަރު މަހު 172،985 ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މިއީ މިދިޔަ އަހަރުގެ ނޮވެމްބަރު މަހު ޒިޔާރަތްކުރި 163،658 ފަތުރުވެރިންނަށްވުރެ 9،327 ފަތުރުވެރިން -- 5.7 ޕަސެންޓް އިތުރުވުމެކެވެ.
މި އަދަދާއެކު އަހަރުގެ މިހާތަނަށް ރާއްޖެ ޒިޔާރަތްކުރި ފަތުރުވެރިންގެ އަދަދު ވަނީ 1.83 މިލިއަނަށް އަރާފަ އެވެ. މިއީ މިދިޔަ އަހަރުގެ މި މުއްދަތުގައި ޒިޔާރަތްކުރި ފަތުރުވެރިންނަށްވުރެ 153،789 ފަތުރުވެރިން -- 9.1 ޕަސެންޓް ކުރިއެރުމެކެވެ.
ފަތުރުވެރިކަމުގެ ގަދަ 10 ގައުމު
- ޗައިނާ – 251،000
- ރަޝިއާ – 205،100
- އިނގިރޭސިވިލާތް – 160،400
- ޖަރުމަނު – 142،400
- އިޓަލީ – 124،400
- އިންޑިއާ – 113،500
- އެމެރިކާ – 62،000
- ފްރާންސް – 48،100
- ސްޕެއިން – 43،400
- ސްވިޓްޒަލޭންޑް – 36،600
ރާއްޖޭގައި މި ވަގުތު ފަތުރުވެރިކަމަށް ޖުމްލަ 1،249 ތަނެއް ދަނީ ހިންގަމުންނެވެ.
މީގެ ތެރޭގައި 171 ރިސޯޓާއި 909 ގެސްޓްހައުސް އާއި 155 ސަފާރީ އަދި 14 ހޮޓާ ހިމެނެ އެވެ. މިތަންތަނުގައި ފަތުރުވެރިންނަށް ހުރި އެނދުގެ އަދަދަކީ 62،816 އެވެ.