ޖުމްހޫރީ ޕާޓީގެ ޒުވާނުންގެ ގޮފީގެ ރައީސްކަމުން ވަކިކޮށްފައިވާ މޫސާ އަންވަރު ސަރުކާރު ޕީޕީއެމާ ގުޅެން ނިންމައިފި އެވެ.
މޫސަ ދެންމެ ކުރި ޓްވީޓެއްގައި ވަނީ އެކަން ކަށަވަރުކޮށް ދީފަ އެވެ. މޫސަ ވިދާޅުވި ގޮތުގައި ޒުވާނުންގެ ހެވާއި ލާބައަށްޓަކައި ޕީޕީއެމާ ގުޅެން ނިންމާފައިވާ ކަމަށެވެ. އަދި 2008 ވަނަ އަހަރުން ފެށިގެން ޖުމްހޫރީ ޕާޓީއަށް ގިނަ ޚިދުމަތްތަކެއް ކޮށްދީފައިވާނެ ކަމަށާއި އަދި ޖޭޕީގެ ލީޑަރު ގާސިމް އިބްރާހިމް ވެސް އެ ޓްވީޓްގައި މޫސަ ޝުކުރު އަދާކޮށްފައިވެ އެވެ.
ޖޭޕީގެ ސިޔާސަތުތަކާ ދެކޮޅަށް މަސައްކަތް ކުރާ ކަމަށް ބުނެ މިދިޔަ ހަފުތާގައި އެ ޕާޓީގެ ޒުވާނުންގެ ގޮފީގެ ރައީސް ކަމުން މޫސަ ވަނީ ވަކިކޮށްފަ އެވެ. އެކަމާ ގުޅިގެން އޭނާ ބުނެފައިވަނީ އެ މައްސަލަ ކޯޓަށް ހުށަހަޅާނެ ކަމަށާއި އަދި އެނބުރި އެ މަގާމަށް އަންނާނެ ކަމަށެވެ.