ހުޅުމާލޭ ދެވަނަ ފިޔަވަހީގައި ހުންނަ ހިޔާ ފްލެޓްތަކަށް އަލުން ފެން ފޯރުކޮށްދީފި އެވެ.
ހިޔާ ޓަވަރު 1 އިން 8 އަށް ފެނުގެ ހިދުމަތް މެދު ކެނޑުނީ ފެން ފޯރުކޮށްދޭ ބޫސްޓާ ޕަމްޕު ސިސްޓަމަށް ދިމާވި ކަރަންޓުގެ މައްސަލައަކާއި ގުޅިގެންނެވެ.
އެމްޑަބްލިޔުއެސްސީ އިން ބުނީ ދިމާވި މައްސަލަ ހައްލުކޮށް މިހާރު ފެން ފޯރުކޮށްދޭން ފަށާފައިވާ ކަމަށެވެ.
އެ މައްސަލަ ހައްލުކުރުމުގައި ސްޓެލްކޯ އާއި އެޗްޑީސީ އިން ފޯރުކޮށްދިން އެހީތެރިކަން އެމްޑަބްލިޔުއެސްސީ އިން ވަނީ ފާހަގަކޮށްފަ އެވެ.
މިދިޔަ ހުކުރު ދުވަހުވެސް ހުޅުމާލޭ ހިޔާ ފްލެޓް 1 އިން 8 ގެ ހުރިހާ ފަންގިފިލާތަކުން ފެނުގެ ހިދުމަތް މެދުކެނޑުނެވެ. އެ ފަހަރު ފެނުގެ ހިދުމަތް މެދުކެނޑުނީ އެ ސަރަހައްދުގެ ފެނުގެ ވިއުގައިގައި ދިމާވި ކުއްލި މައްސަލައަކާ ގުޅިގެންނެވެ.