ހިޔާ ޓަވަރުތަކަށް ފެނުގެ ހިދުމަތް ދިނުމަށް އަޅާފައިވާ ހޮޅިއެއް ފަޅައިގެން ދިއުމާ ގުޅިގެން ހިޔާގެ ބައެއް ޓަވަރުތަކަށް ފެނުގެ ހިދުމަތް މެދުކެނޑިއްޖެ އެވެ.
ފެނުގެ ހިދުމަތް މެދުކެނޑިފައިވަނީ ޓަވަރު 1 އިން 8 ވަނަ ޓަވަރަށެވެ.
ހިޔާ ޓަވަރުތަކަށް ފެނުގެ ހިދުމަތް ދޭ ކުންފުނި -- އެމްޑަބްލިއުއެސްސީ އިން ބުނީ ފެނުގެ ހިދުމަތް މެދުކެނޑިފައިވާ ޓަވަރުތަކަށް އަލުން ހިދުމަތް ދިނުމުގެ މަސައްކަތް އެ ކުންފުނިން ކުރަމުންދާ ކަމަށެވެ.
ހިދުމަތް އަލުން ލިބޭނެ ވަގުތެއް އަދި ދިމާވި ވަކި މައްސަލައެއް ފެން ކުންފުނިން ބުނެފައެއް ނުވެ އެވެ.