މާލޭގެ ގެއެއްގައި މަރުވެފައި އޮއްވައި ފެނުނު މީހާގެ ޕޯސްޓްމޯޓަމް ހެދުމަށް ނިންމައިފި އެވެ.
މ. ތަރިވިލާގޭގައި މަރުވެފައި އޮއްވާ ފެނުނީ އެ ގެއަށް ނިސްބަތްވާ ހުސައިން އަހްމަދު (41 އ) އެވެ.
ފުލުހުން ބުނީ އޭނާ މަރުވެގެން އައިޖީއެމްއެޗަށް ގެންދިޔަ ކަމުގެ މައުލޫމާތު ލިބުނީ މިއަދު ހެނދުނު 9:53 ހާއިރު ކަމަށެވެ.
މިމައްސަލައިގައި އިތުރަށް ބަލަންޖެހޭ ކަންތައްތަކެއް ހުރުމުން އޭނާގެ ހަށިގަނޑުގެ ޕޯސްޓްމޯޓަމް ހެދުމަށް ނިންމާފައިވާ ކަމަށްވެސް ފުލުހުން ބުންޏެވެ.
މިމައްސަލަ ފުލުހުން ގެންދަނީ އިތުރަށް ތަހުގީގު ކުރަމުންނެވެ.
ހުސައިން އަހްމަދަކީ އެކި މައްސަލަތަކުގެ ތަހުގީގަށް ހާޒިރުކުރަން ބޭނުންވެ، އުޅޭ ވަކި ތަނެއް ނޭނގޭތީވެ އޭނާގެ ފޮޓޯއާއި ވަނަވަރު ފުލުހުންގެ ވެބްސައިޓްގައި އާންމުކުރާ މީހެކެވެ.