ކުޅުދުއްފުށި ފަޅުތެރޭގައި މަރުވެފައި އޮއްވައި ފެނުނު މީހާގެ ހަށިގަނޑުގެ ޕޯސްޓްމޯޓަމް ހަދަން މަސައްކަތްކުރަމުންދާ ކަމަށް ފުލުހުން ބުނެފި އެވެ.
ކުޅުދުއްފުށި ފަޅު ތެރޭގައި މަރުވެފައި އޮއްވައި ފެނުނީ އެ ރަށު ޑެއިޒީފެހި، އުމުރުން 36 އަހަރުގެ މުހައްމަދު ހަސަން އެވެ.
ފުލުހުން ބުނީ އޭނާގެ ޕޯސްޓަމޯޓަމް ހެދުމަށް ރާއްޖެއިން ބޭރަށް ގެންދިޔުމަށް މަސައްކަތްކުރަމުންދާ ކަމަށެވެ.
ކުޅުދުއްފުށި ފަޅު ތެރޭގައި މުހައްމަދު ހަސަން މަރުވެފައި އޮއްވައި ފެނުނީ މި މަހުގެ 11 ވަނަ ދުވަހު އެވެ.
މުހައްމަދު ހަސަންގެ ޕޯސްޓްމޯޓަމް ހަދަން ހަށިގަނޑު މާލެ ގެނައީ މިމަހުގެ 11 ވަނަ ދުވަހު އެވެ.
ފުލުހުން މިއަދު ބުނީ ރާއްޖެއަށް ބޭރަށް އޭނާގެ ހަށިގަނޑު ގެންދިޔުމުގެ މަސައްކަތްކުރަމުންދާ ކަމަށެވެ. ނަމަވެސް ގެންދަން ނިންމާފައިވާ ވަކި ގައުމެއް ނުބުނެ އެވެ.