ދުނިޔޭގެ ފުޓްބޯޅައިގެ ތާރީހުގައި އެންމެ ކާމިޔާބު ފުލްބެކުންގެ ތެރޭގައި ހިމެނޭ ރެއާލް މެޑްރިޑްގެ ލެޖެންޑް އަދި ބްރެޒިލްގެ މާސެލޯ ފުޓުބޯޅަ ކުޅުން ހުއްޓާލައިފި އެވެ.
ރެއާލް މެޑްރިޑްގެ ތާރީހުގައި އެންމެ ގިނަ ޓްރޮފީ ހޯދި ކުޅުންތެރިންގެ ތެރޭގައި ހިމެނޭ މާސެލޯ، އޭނާގެ ކެރިއަރު ނިންމާލީ އޭނާގެ ފުރަތަމަ ކްލަބް ކަމުގައިވާ ފްލުމިނެންސޭ ގައެވެ.
އުމުރުން 36 އަހަރުގެ މާސެލޯ ރެއާލް މެޑްރިޑްގައި 15 އަހަރު ހޭދަކޮށް، 25 މުހިއްމު ޓްރޮފީ ހޯދާފައިވެ އެވެ. މީގެ ތެރޭގައި ފަސް ޗެމްޕިއަންސް ލީގާއި ހަ ލަ ލީގާ ހިމެނެ އެވެ.
"މިއަދު އަހަރެންގެ ކެރިއަރު ނިންމާލަން ނިންމައިފިން. މިއީ ވަރަށް އުފާވެރި ދުވަހެއް. ރެއާލް މެޑްރިޑްގެ އާއިލާގެ ބައެއްގެ ގޮތުގައި ހޭދަކުރި ދުވަސްތަކަކީ އަހަރެންގެ ހަޔާތުގެ އެންމެ އަގުހުރި ވަގުތުތައް،" މާސެލޯ ބުންޏެވެ.
ބްރެޒިލްގެ ގައުމީ ޓީމަށް 58 މެޗު ކުޅެ، ކޮޕަ އެމެރިކާއާއި ދެ އޮލިމްޕިކް މެޑަލް ހޯދާފައިވާ މާސެލޯ ވަނީ ފުޓުބޯޅައިގެ ދާއިރާގައި ކުރިއަށް އޮތް ތަނުގައިވެސް ހަރަކާތްތެރިވާނެކަން ހާމަކޮށްފަ އެވެ.
ފްލުމިނެންސޭ އިން ބުނީ މާސެލޯއާއި އެ ކްލަބާ ދެމެދު އޮތް ގުޅުން ދެމިގެންދާނެ ކަމަށެވެ. އަދި އެ ކްލަބުގެ ޓްރެއިނިން ސެންޓަރަށް މާސެލޯގެ ނަން ދީފައިވާ ކަމަށްވެސް ބުންޏެވެ.
