އިންސާނުންގެ ހަށިގަނޑުގައި ކުރެހުން ނުވަތަ ޓެޓޫ ޖެހުމަކީ މިޒަމާނުގައި ވަރަށް އާންމު ކަމެކެވެ. ތާރީހީ ހޯދުންތަކުން ދައްކާ ގޮތުގައި އިންސާނުން ޓެޓޫ ޖަހަން ފަށާފައިވަނީ މީގެ އެތައް ސަތޭކަ އަހަރުތަކެއްގެ ކުރިންކަން އެނގެ އެވެ.
ތާރީޚު ދިރާސާކުރައްވާ ބޭފުޅުންނާއި އާކިއޮލޮޖިސްޓުން ދުނިޔޭގެ އެކި ކަންކޮޅުތަކުން ހޯދާފައިވާ މަމީތަކުން ފެންނަ ކުރެހުންތަކުންވެސް އެނގެނީ ޓެޓޫ ޖެހުމަކީ ވަރަށް ކުރިންވެސް ހިނގަމުންދާ ކަމެއް ކަމެވެ. މިގޮތުން އެންމެ ގިނަ އަހަރު ވެފައިވާ ކުރެހުމެއް ފެނިފައިވަނީ އޯޓްޒީ ނަމަކަށް ކިޔާ މަމީއެއްގެ ހަށިގަނޑުންނެވެ. މި މަމީގެ އުމުރަކީ 5,300 އަހަރެވެ. މި މަމީގެ ހަށިގަނޑުގައި 61 ކުރެހުން ހުރި ކަމަށްވެ އެވެ.
ތާރީހީ އެހެން ހޯދުންތަކުން ދައްކާ ގޮތުގައި މިސްރުގެ ބައެއް މަމީތަކުގައިވެސް ކުރެހުން ޖަހާފައި ހުރެ އެވެ. މީގެ ތެރެއިން އެންމެ މަޝްހޫރު އެއް މަމީއަކީ އަމުނެޓްގެ ނަމުން މަޝްހޫރުވެފައިވާ މަމީ އެވެ. މި މަމީގެ އުމުރަކީ 4,000 އަހަރެވެ. މި މަމީގެ ހަށިގަނޑުގައި ޖަހާފައިވަނީ ގަސްގަހާގެހީގެ ކުރެހުންތަކެވެ.
ކުރެހުން ޖެހުމުގެ މަގުސަދު ތަފާތު ސަގާފަތްތަކުގައި ތަފާތެވެ. ބައެއް މީހުން ކުރެހުން ޖަހަނީ ޒީނަތްތެރިވުމަށެވެ. އަނެއް ބަޔަކު އެކަން ކުރަނީ ދީނީ އަދި ރޫޙާނީ ބޭނުންތަކަށެވެ. ބަލިތަކުން ރައްކާތެރިވުމުގެ މަގުސަދުގައިވެސް ޓެޓޫ ޖަހާފައިވާ ބަޔަކު އުޅޭ ކަމަށް ހެކިތަކުން ބުރަވެ އެވެ.
ކުރުކޮށް ސާފުކޮށް ބުނާނަމަ، ޓެޓޫ ޖެހުމަކީ އާދަޔާ ޚިލާފު ދިގު ތާރީހެއް އޮތް ކަމެކެވެ. މިއަދު އަޅުގަނޑުމެންނަށް ފެންނަ ކުރެހުންތަކަކީ، އެތައް ހާސް އަހަރެއްގެ ކުރިން އިންސާނުންގެ ކިބައިން ފެށުނު އާދަކާދައެއްގެ ތެރެއިިން ދެމިގެންދާ އާދައެކެވެ. މިކަމުން އެނގެނީ އިންސާނުންގެ ކިބައިގައި އަބަދުވެސް ޒީނަތްތެރިވުމުގެ ލޯތްބާއި އަދި އާޓިސްޓިކް ހުނަރުވެރިކަން ހުރި ކަމެވެ.
