ރޯދަ މަހަކީ މުސްލިމުންގެ ދިރިއުޅުމުގައި ވަރަށް މުހިއްމު މަހެކެވެ. މި މަހުގައި ކަދުރަކީ ކެއުމުގައި އެންމެ ގިނައިން ބޭނުންކުރާ އެއް އައިޓަމެވެ. އެހެންކަމުން ރޯދަ ވިއްލުމަށާއި ހާރުކެއުމަށް ކަދުރު ބޭނުންކުރުމުން ލިބޭ ފައިދާތަކަކީ ކޮބައިތޯ ބަލައިލާނަމެވެ.
ކަދުރަކީ ހަށިގަނޑަށް ބޭނުންވާ ގިނަ މާއްދާތަކެއް އެކުލެވޭ މޭވާ އެކެވެ. ރޯދަ ވިއްލާއިރު ކަދުރު ކެއުމުން ހަށިގަނޑަށް އަވަހަށް ހަކަތަ ލިބެ އެވެ. ހަކަތަ ލިބުމަކީ މުޅި ދުވަހު ނުކައި ނުބޮއި ރޯދަ ހިފުމަށްފަހު ހަށިގަނޑަށް ވަރަށް މުހިއްމު ކަމެކެވެ.
ހާރުކާ ގަޑީގައި ކަދުރު ކެއުމުން ހަޖަމުކުރަން ފަސޭހަވެ އެވެ. އަދި ގިނަ ވަގުތު ބަނޑުހައި ނުވެ ހުރެވެ އެވެ. މިއީ ރޯދައަށް ހުންނައިރު ވަރަށް މުހިންމު ކަމެކެވެ.
ކަދުރުގައި ވިޓަމިންތަކާއި މިނަރަލްތައް ގިނައިން ހުރެ އެވެ. މއެގޮތުން ކެލްސިއަމް، އަޔަން، މެގްނީޒިއަމް އަދި ޕޮޓޭސިއަމް ފަދަ މާއްދާތައް އެކަށީގެންވާ މިންވަރަށް އެ މޭވާގައި ހިމެނެ އެވެ. އެފަދަ މާއްދާތަކުން ހަށިގަނޑުގެ ދުޅަހެޔޮކަންވެސް އިތުރުވެ އެވެ.
ކަދުރުގައި އެންޓި-އޮކްސިޑެންޓްސް ގިނައިން ހުރެ އެވެ. މިއީ ހަށިގަނޑު ދުޅަހެޔޮކޮށް ބެހެއްޓުމަށް މުހިއްމު އެއްޗެކެވެ. އެހެންކަމުން ރޯދަ ވިއްލުމަށާއި ހާރުކެއުމަށް ކަދުރު ބޭނުންކުރުމަކީ ހިފަހައްޓަންޖެހޭ ރަނގަޅު އާދައެކެވެ.
