ރާއްޖެއިން އަޒަރުބައިޖާނަށް ކަނޑައެޅި ނޮން-ރެސިޑެންޓް ސަފީރަށް ރައްޔިތުންގެ މަޖިލީހުން މިއަދު ރުހުންދީފި އެވެ.
އަޒަރުބައިޖާނަށް ކަނޑައަޅާ ނޮން-ރެސިޑެންޓް ސަފީރު ކަމަށް އައްޔަންކުރަން ރައީސް ޑރ. މުހައްމަދު މުއިއްޒު ރައްޔިތުންގެ މަޖިލީހަށް ހުށަހެޅުއްވީ ލެފްޓެނަންޓް ޖެެނެރަލް (ރިޓަޔަޑް) އަބްދުއްރަހީމް އަބްދުލްލަތީފްގެ ނަމެވެ.
އަބްދުއްރަހީމް މިވަގުތު ހުންނެވީ ރާއްޖެއިން ތުރުކީއަށް ކަނޑައަޅުއްވާފައި ހުންނަވާ ސަފީރުގެ މަގާމުގަ އެވެ.
އަޒަރުބައިޖާނަށް ކަނޑައަޅާ ނޮން-ރެސިޑެންޓް ސަފީރު ކަމަށް އަބްދުއްރަހީމް އައްޔަންކުރަން ފެންނަ ކަމަށް ފާސްވީ ވޯޓުގައި ބައިވެރިވި 66 މެންބަރުންގެ އިއްތިފާގުންނެވެ.
އަޒަރުބައިޖާންގެ ނޮން-ރެސިޑެންޓް ސަފީރު ކަމަށް އަބްދުއްރަހީމް އައްޔަންކުރަން ރުހުންދީފައިވާއިރު ރަޝިއާއަށް ރާއްޖެއިން ކަނޑައަޅާ ނޮން-ރެސިޑެންޓް ސަފީރު ކަމަށް އަބްދުއްރަހީމް އައްޔަންކުރަން މަޖިލީހުން މިއަހަރުގެ މާޗް މަހު ވަނީ ރުހުންދީފަ އެވެ.
