ގއ. ވިލިގިނލީގައި ސިޒޭރިއަން ހަދައިގެން ހާލު ބޮޑުވި މީހާގެ ދަރިފުޅު މަރުވެއްޖެ އެވެ. އެ ކުއްޖާ މަރުވެފައިވަނީ މިއަދު ހެނދުނު އެވެ. އަންހެން މީހާއަށް އަދިވެސް ދަނީ އައިޖީއެމްއެޗްގެ އައިސީޔޫގައި ފަރުވާދެމުންނެވެ.
އައިޖީއެމްއެޗްގެ މީޑިއާ އޮފިޝަލް ޒީނަތު އަލީ ހަބީބު ވިދާޅުވީ، ވިލިނގިލީގައި ސިޒޭރިއަން ހަދައިގެން ހާލު ބޮޑުވެ، އައިޖީއެމްއެޗަށް ގެނެސް ފަރުވާދެމުންގެންދާ މީހާގެ ދަރިފުޅު މިއަދު ހެނދުނުގެ ވަގުތެއްގައި މަރުވެފައިވާ ކަމަށެވެ. އަދި އަންހެން މީހާގެ ހާލު އަދިވެސް ސީރިއަސް ކަމަށެވެ.
ޒީނަތު ވިދާޅުވީ، އަންހެން މީހާއަށް ފަރުވާދެމުންގެން ދަނީ އައިސީޔޫގައި ކަމަށާއި އެމީހާގެ ނޭވާ ލައްވަނީ ވެންޓިލޭޓަރުގެ އެހީގަ ކަމަށެވެ.
މި އަންހެން މީހާ ވިލިނގިލީގައި ސިޒޭރިއަން ހެދިއިރު، ހާލު ބޮޑުވެގެން ވަނީ ގދ. ތިނަދޫ ހޮސްޕިޓަލުގައި ވެސް ފަރުވާދީފަ އެވެ. އައިޖީއެމްއެޗަށް އަންހެން މީހާ ގެނައީ ތިނަދޫ ހޮސްޕިޓަލުން ފަރުވާދިނުމަށްފަހު އެވެ.
ގއ. ވިލިނގިލި
ވިލިނގިލީގައި ސިޒޭރިއަން ހަދައިގެން ހާލު ބޮޑުވި މީހާގެ ދަރިފުޅު މަރުވެއްޖެ
Mar 27, 2016
ސިޒޭރިއަން ހަދައިގެން ހާލު ބޮޑުވި މީހާ އަދި އޭނާގެ ދަރިފުޅު: ދަރިފުޅު މިއަދު ވަނީ މަރުވެފައި - ފޮޓޯ: ގއ. ވިލިނގިލި ފޭސްބުކް ޕޭޖް