ގއ. ވިލިނގިލިން ފަތުރުވެރިކަމަށް 11 ބިމެއް ކުއްޔަށް ދިނުމަށް އެރަށު ކައުންސިލުން ނިންމައިފި އެވެ.
ވިލިނގިލި ކައުންސިލުން ކޮށްފައިވާ އިއުލާނެއްގައި ބުނެފައިވަނީ ފަތުރުވެރިކަން ތަރައްގީކުރުމަށް ކަނޑައަޅާފައިވާ ސަރަހައްދުތަކުން 11 ބިމެއް ޓޫރިސްޓް ހޮޓާތަކާއި ގެސްޓްހައުސް އަދި ފަތުރުވެރިކަމާ ގުޅުންހުރި ވިޔަފާރިތައް ތަރައްގީކުރުމަށް ކުއްޔަށް ދޫކުރަން ނިންމާފައިވާ ކަމަށެވެ.
ބިން ކުއްޔަށް ހިފަން ބޭނުންވާ ފަރާތްތަކުން އަންނަ މަހުގެ ފަސްވަނަ ދުވަހުގެ މެންދުރުފަހު 1:00ގެ ކުރިން ބިޑް ރަޖިސްޓްރީ ފޯމު ހުށަހަޅަންޖެހެ އެވެ.
ވިލިނގިލިން ބިން ކުއްޔަށް ދިނުމަށް ނިންމާފައިވަނީ 15 އަހަރާއި 35 އަހަރާ ދެމެދުގެ މުއްދަތަކަށެވެ.
ކުއްޔަށް ދޫކުރާ ބިންތަކުގެ ތެރޭގައި 3647 އަކަފޫޓުގެ 6 ބިމަކާއި 2701 އަކަފޫޓުގެ ބިމަކާއި 1670 އަކަފޫޓޫގެ ބިމަކާއި 1234 އަކަފޫޓުގެ ބިމަކާއި 607 އަކަފޫޓުގެ ބިމެއްގެ އިތުރުން 400 އަކަފޫޓުގެ ބިމެއް ހިމެނެ އެވެ.