މަސައްކަތްތެރިކަމުގެ ކޯސްތައް ހިންގާ މޯލްޑިވްސް ޕޮލިޓެކްނިކުން އަންނަ ޖޫންމަހު ފަށާ ކޯސްތަކަށް އެދުމުގެ ފުރުސަތު އެ ހުޅުވާލައިފި އެވެ. ކޯސްތައް އިއުލާންކުރީ މިއަދު އެވެ.
ސެޓްފިކެޓް ލެވެލް އެކަކުން ފެށިގެން ޑިޕްލޮމާއާ ހަމައަށް މަސައްކަތްތެރިކަމުގެ ތިރީހެއްހާ ކޯސް މިއަދު އިއުލާންކޮށްފައިވާއިރު، އަންނަ މޭ މަހުގެ 22 އާ ހަމަޔަށް އެޕްލިކޭޝަން ފޯމް ބަލައިގަންނާނެ އެވެ.
ޕޮލިޓެކްނިކުން މިއަދު އިއުލާންކުރި ކޯސްތަކުގެ ތެރޭގައި ސިވިލްއިންޖިނިއަރިން، ސްމޯލް ބިޒްނަސް މެނޭޖްމަންޓް، އިލެކްޓްރީޝަން އަދި ބިއުޓީ ތެރަޕީ ފަދަ ކޯސްތައް ހިމެނެއެވެ.
ޕޮލިޓެކްނިކުން ބުނީ، ޑިޕްލޮމާ ލެވެލްގެ ކޯސްތަކަށް އޭލެވެލް ދެ މާއްދާ އިން "އީ" ފާހަށްވުރެ މަތި ލިބިފައިވާ ނުވަތަ އޯލެވެލް 3 މާއްދާއިން ފާސްވެފައިވާ ފަރާތްތަކަށް ފޯމް ހުށަހެޅޭނެ ކަމަށެވެ. އަދި ސެޓްފިކެޓް ހަތަރެއްގެ ކޯސްތަކަށް އޯލެވެލް ތިންފާސް، އަދި ސެޓްފިކެޓް ލެވެލް ތިނެއް އަދި އެކެއްގެ ކޯސްތަކަށް ގްރޭޑް ހަތެއް ފުރިހަމަކޮށްފައިތިބި ފަރާތްތަކަށް ބައިވެރިވެވޭނެ ކަމަށެވެ.
ޕޮލި ޓެކްނިކް