ކިޔަވައިދިނުމުގެ ފެންވަރު ރަނގަޅުކޮށް ޒަމާނީކުރުމަށް، ހދ. ނޭކުރެންދޫ މަދަރުސާގެ ކްލާސްރޫމްތައް ޑިޖިޓަލް ކުރުމަށް އެރަށު ކައުންސިލުން މަސައްކަތް ފަށައިފި އެވެ.
އަވަސްއަށް މައުލޫމާތު ދެއްވަމުން ނޭކުރެންދޫ ކައުންސިލްގެ ނައިބު ރައީސް އިބްރާހިމް މައޫޒް ވިދާޅުވީ، ސްކޫލް ކްލާސްރޫމްތައް ޑިޖިޓަލްކުރުމުގެ މަޝްރޫއުގެ ދަށުން އެރަށުގެ 11 ކްލާސް ރޫމެއް ޑިޖިޓަލް ކުރަން ހަމަޖެހިފައިވާ ކަމަށެވެ. އެ ޕްރޮޖެކްޓް ކުރިއަށް ގެންދިޔުމަށް ހަމަޖެހިފައިވަނީ އެރަށުގެ ހެޔޮއެދޭ ފަރާތްތަކުގެ އެހީއާއި ކައުންސިލްގެ ބަޖެޓުންނެވެ.
ދެ ލައްކަ ރުފިޔާގެ އެ ޕްރޮޖެކްޓަށް މަކުނުދޫ ދާއިރާގެ މެންބަރު އަނާރާ ނައީމް ވެސް އެހީތެރިކަން ފޯރުކޮށްދެއްވާނެ ކަމަށް މައޫޒް ވިދާޅުވި އެވެ.
ކައުންސިލުން އިސްނަގައިގެން ނޭކުރެންދޫ ސްކޫލުގެ ކްލާސްރޫމްތައް ޑިޖިޓަލްކުރުމުގެ މަސައްކަތް ފަށާފައިވާއިރު އެރަށު ކައުންސިލުން ބުނީ، މިއަހަރުގެ ދެވަނަ ޓާމުގެ ކިޔެވުން ފެށެންވާއިރަށް އެ މަސައްކަތް ނިންމާލެވޭނެ ކަމަށެވެ.
ނޭކުރެންދޫ ސްކޫލް --