މާލޭ ހުޅަނގު ހާބަރު ތަރައްގީ ކުރުމުގެ މަސައްކަތަށް އެ ސަރަހައްދުގައި މިހާރު ހިންގާ ކެފޭތައް 72 ގަޑިއިރުގެ ތެރޭގައި ހުސްކުރަން ހައުސިން މިނިސްޓްރީން އަންގައިފި އެވެ.
ހައުސިން މިނިސްޓަރު ޑރ. މުހައްމަދު މުއިއްޒު މިރޭ ވިދާޅުވީ އެ އެންގުން އަންގަން މިއަދު އެދި ވަޑައިގެނފައިވާނެ ކަމަށާއި އެފަދަ އެގޮތަށް ނިންމީ ކުރިން ޕްލޭންކޮށްފައިވާ ގޮތަށް އެތަންތަން ހުސް ކުރަން އެނގުމުން އެ ފަރާތްތަކުން ސިވިލް ކޯޓަށް ދިއުމުން ނެރުނު ހުކުމް ހައިކޯޓްގައި އިސްތިއުނާފު ކުރުމުން ހައުސިން މިިނިސްޓްރީން އެދުނު ގޮތަކަށް ހައިކޯޓުން ނިންމާފައިވާތީ އެ ސަރަހައްދު ތަރައްގީ ކުރުމުގެ މަސައްކަތް އަވަހާ ފެށުމަށް ކަމަށެވެ.
"އެ ހުކުމް އަޅުގަނޑުމެން ކޮޅަށް އަމުން މަސައްކަތް ފެށުމަށް އެތަންތަން ހުސްކުރަން އަންގަން އަޅުގަނޑު ވަނީ ދަންނަވާފައި. މިހާރު އެ އެންގުން އެ ނުކުތީ، މިހާތަނަށް އެ މަސައްކަތް ނުކުރެވި މިދިޔައީ މި މައްސަލަތަކާހެދި އޭގެ ސަބަބުން އަޅުގަނޑުމެނަށް ދެ މަސް ދުވަހަސް ގެއްލުނީ، އަޅުގަނޑުމެން ރާވާފައި އޮތީ ޖުލައި މަހަށް ނިންމަން،" މިިނިސްޓަރު ވިދާޅުވި އެވެ.
ހައުސިންގެ އެންގުމެއްގައި ބުނަނީ މާލޭ ހުޅަނގު ހާބަރު ސަރަހައްދުގައި ޒަމާނީ ފެންވަރުގެ ފުޑްކޯޓް ތަރައްގީ ކުރުމުގެ މަޝްރޫއަށް ހާބަރު ސަރަހައްދުގެ ސައިހޮޓާތައް ބަންދުކުރުމުގެ ގޮތުން މި އަހަރުގެ ފެބްރުއަރީ 14 އަދި 18 ގައި ނެރުނު އެންގުމާ އެއްގޮތައް ކަޑަތައް ހުސްކޮށްފައި ނުވާ ކަމަށާއި އެހެން ކަމުން ހޯމަ ދުވަހުގެ 4:00 އިން ފެށިގެން 72 ގަޑިއިރުގެ ތެރޭގައި އެތަންތަން ހުސްކުރަން އަންގާ ކަމަށެވެ.
ހާބަރު ސަރަހައްދުގައި ހުރި ކަޑަތަށް ބަދަލުކޮށް ޒަމާނީ ފެންވަރުގެ ފުޑްކޯޓުތަކެއް ތަރައްގީ ކުރަން ހަވާލުކޮށްފައި ވަނީ އެސްޓީއޯއަށެވެ. އެ ސަރައްދު އެސްޓީއޯ އިން ތަރައްގީ ކުރަނީ އެކުންފުނީގެ ހަރަދުގަ އެވެ. މުޅިއަކު 30،000 އަކަ ފޫޓުގެ ސަރަހައްދުގައި މިހާރު 40 ކެފޭ ހުރެ އެވެ. އެތަންތަން ނިމޭ އިރު ހުންނާނީ 25 ނުވަތަ 27 ފުޑް ކޯޓެވެ.
ހާބަރުގެ ކަޑަތައް އަލަށް ތަރައްގީކުރާ ގޮތުގެ ކުރެހުމެއް: މިހާރުގެ ކަޑަތައް ހުސްކުރަން މިހާރު ވަނީ އަންގާފައި --