ރާއްޖޭގެ ރިސޯޓެއްގައި މަސައްކަތް ކުރަމުން ދިޔަ އިންޑިއާ މީހަކު މަރާލީ ކަމަށް އޭނާގެ އާއިލާ އިން ތުހުމަތުކޮށް އެ މައްސަލަ އިންޑިއާގެ ފުލުހުންނަށް ހުށަހަޅައިފި އެވެ.
އިންޑިއާގެ ބައެއް ނޫސްތަކުގައި ރިޕޯޓްކޮށްފައިވާ ގޮތުގައި ރާއްޖޭގެ ރިސޯޓެއްގައި މަރާލީ އިންޑިއާގެ ޖަގާދުރީއަށް ނިސްބަތްވާ ރަވިންދުރަ ސަހާނީ (32 އ) އެވެ.
މީގެ ދެ އަހަރު ކުރިން ރިސޯޓުގައި މަސައްކަތް ކުރަން އައި ރަވިންދުރަ މަރާލީ މިދިޔަ ޑިސެމްބަރު 31 ވަނަ ދުވަހު ކަމަށް އާއިލާ އިން ތުހުމަތު ކުރެ އެވެ.
ނޫސްތަކުގައިވާ ގޮތުން ރަވިންދުރަ މަރުވި ކަމުގެ ހަބަރު އާއިލާއާ ހިއްސާކުރީ އޭނާއާ އެއް ކޮޓަރިއެއްގައި އުޅުނު ޝަމްބޫ ނަމަކަށް ކިޔާ އިންޑިއާ މީހެކެވެ. ރަވިންދުރަގެ ހަށިގަނޑު މިހާތަނަށްވެސް އާއިލާއާ ހަވާލުކޮށްފައި ނުވާ ކަމަށްވެސް ރިޕޯޓްކޮށްފައިވެ އެވެ.
ރަވިންދުރަ މަރުވެފައި ވަނީ މިދިޔަ ޑިސެމްބަރު 10 ވަނަ ދުވަހު އިންޑިއާއަށް ދިއުމަށްފަހު ޑިސެމްބަރު 14 ވަނަ ދުވަހު ރާއްޖެ ދިޔަ ފަހުން ކަމަށްވެސް އާއިލާ އިން ބުނެ އެވެ.
އިންޑިއާ މީހަކު ރާއްޖޭގައި މަރާލީ ކަމަށް އާއިލާ އިން ތުހުމަތު ކުރި ނަމަވެސް ދިވެހި ސަރުކާރުން މިމައްސަލައިގައި އަދި ވާހަކައެއް ނުދައްކަ އެވެ.