ހޯދަމުން ދިޔަ "ކޮރަލް ކްރާފްޓް" ކޮޅުވެއްޓި ބަނޑުން ޖަހާލާފައި އޮއްވާ ކަންނެލި ދޯންޏަކަށް ފެނިއްޖެ ކަމަށާއި އެއިން ދަތުރުކުރި ފަސް މީހުންގެ ތެރެއިން ދެ މީހަކު ދޯންޏަށް ނަގާފައިވާ ކަމަށް އެމްއެންޑީއެފުން ބުނެފި އެވެ.
އެމްއެންޑީއެފުން ބުނީ ކޮޅުވެއްޓި ބަންޑުން ޖަހާލާފައި އޮއްވާ ފެނިފައިވަނީ ބ.ގޮއިދޫ ހުޅަނގު ފަރާތު ތިރީހަކަށް މޭލު ބޭރުން ކަމަށެވެ.
ދިގުމިނުގައި 100 ފޫޓް ހުންނަ މި ކޮޅުވެއްޓި ބަންޑުންޖަހާލިއިރު އޭގައި ތިބީ ތިން ދިވެހިންނާއި ބަންގްލަދޭޝްގެ ދެ ރައްޔިތުންނެވެ. އެމްއެންޑީއެފް ކޯސްޓްގާޑުން ބުނީ ދޯންޏަށް ނަގާފައި ވަނީ ދެ ދިވެހިން ކަމަށާއި އެދެމީހުންގެ ހާލު ވެސް ރަނގަޅު ކަމަށެވެ.
ނުފެންނަ ތިން މީހުން ހޯދުމުގެ މަސައްކަތް ކޯސްޓްގާޑުން މިހާރު ދަނީ ކުރަމުންނެވެ.