ޗައިނާ ރެޑް ކްރެސެންޓުން ކުރިއަށްގެންދާ ވޯޓާ ރެސްކިއު ޓްރެއިނިންއެއްގައި ބައިވެރިވުމަށް ދިވެހި ރެޑްކްރެސެންޓުގެ ދަރުމަވެރިންތަކެއް އެގައުމަށް ފުރައިފި އެވެ.
މިއަދުން ފެށިގެން މިމަހުގެ ތިރީހާ ހަމަޔަށް ޗައިނާގެ ފުޖިއަން ޕްރޮވިންސްގައި ކުރިއަށްގެންދާ އެ ތަމްރީން ޕްރޮގްރާމަކީ ވޯޓާ ރެސްކިއު ދާއިރާއިން ދެނުކުއޭޝިއާގެ ރެޑް ކްރެސެންޓް ގައުމީ ޖަމާއަތްތަކުގެ ގާބިލުކަން އިތުރުކުރުމަށް ކަމަށް ރެޑް ކްރެސެންޓުން ބުންޏެވެ.
ތަމްރީނުގައި ބައިވެރިވުމަށް މިއަދު ޗައިނާއަށް ފުރާފައިވަނީ، ރެޑްކްރެސެންޓްގެ އަތޮޅުތެރޭ ރަށްރަށުގައި ގާއިމްކޮށްފައިވާ ހަތް ގޮތްފެއްގެ ބޭފުޅުންނެވެ. ތަމްރީންގައި ބައިވެރިވާ ދަރުމަވެރިން ހޮވާފައިވަނީ، ރެޑްކްރެސެންޓުން އިއުލާންކޮށްގެން ކުރިމަތިލީ ފަރާތްތަކުގެ މެދުގައި ފެތުމުގެ އެސެސްމަންޓެއް ހެދުމަށްފަހު ކަމަށް އެ ޖަމިއްޔާއިން ބުންޏެވެ.
ރެޑް ކްރެސެންޓްގެ ސެކެޓްރީ ޖެނަރަލް އައިޝަތު ނޫރާ މުހައްމަދު ވިދާޅުވީ، ވޯޓާ ރެސްކިއުގެ ދާއިރާއަކީ އެ ޖަމިއްޔާއިން ކުރިއަށްއޮތް ތަނުގައި މަސައްކަތްކުރަން ބޭނުންވާ ދާއިރާއެއް ކަމަށް ވުމުން ޕްރޮގްރާމުގައި ބައިވެރިންނަށް ލިބޭ ތަމްރީން ވަރަށް މުހިއްމުވާނެ ކަމަށެވެ.
އެ ތަމްރީނުގައި ދިވެހި ދަރުމަވެރިންނާއެކު ލަންކާ، ޕާކިސްތާންގެ ދަރުމަވެރިންވެސް ބައިވެރިވާނެ އެވެ.
