ގެސްޓް ހައުސް ކޮންފަރެންސް: ޕާޓްނަރުންގެ ގޮތުގައި ކޮކާކޯލާ، ކޮޕިއާ ޕްލަސް

ގެސްޓް ހައުސް ކޮންފަރެންސުގެ ޕާޓްނަރުންގެ ގޮތުގައި ކޮކާކޯލާ އާއި ކޮޕިއާ ޕްލަސް ހިމެނިއްޖެ އެވެ.

ގެސްޓް ހައުސް ކޮންފަރެންސް ބާއްވާ ގެޓް އަވޭސްއިން ބުނީ "ގެސްޓް ހައުސް މޯލްޑިވްސް ކޮންފަރެންސް 2016" ގައި ކޮކާކޯލާ ބައިވެރިވެފައިވަނީ ބެވަރޭޖް ޕާޓްނަރުގެ ގޮތުގައި ކަމަށާއި ކޮޕިއާ ޕްލަސް ބައިވެރިވީ އޮފީސް އޮޓޮމޭޝަން ޕާޓްނަރުގެ ގޮތުގައި ކަމަށެވެ.

ގެސްޓް ހައުސް ކޮންފަރެންސް ބާއްވަނީ ސެޕްޓެމްބަރު 24 ވަނަ ދުވަހު އެވެ. ވިލާ ކޮލެޖުގައި މި އިވެންޓް ބާއްވަނީ އެއް ދުވަހުގެ މުއްދަތަށެވެ.

ގެސްޓް ހައުސް ވިޔަފާރިކުރާ ފަރާތްތަކާއި މި ވިޔަފާރީގައި އެކި ގޮތް ގޮތުން ބައިވެރިވާ ފަރާތްތަކަށް ބާއްވާ މި ބައްދަލުވުމުގައި 150 ގެސްޓް ހައުސް ވެރިން ބައިވެރިވާނެ އެވެ. މީގެ އިތުރުން މި ބައްދަލުވުމުގައި ރާއްޖޭން ބޭރުގެ ޓްރެވަލް އެޖެންޓުންނާއި ޓުއާ އޮޕަރޭޓަރުންވެސް ބައިވެރިވާނެ އެވެ.

ގެސްޓް ހައުސް ކޮންފަރެންސްގެ ޕާޓްނަރުން:

ގެސްޓް ހައުސް ވިޔަފާރިއަކީ ރާއްޖޭގެ ޓޫރިޒަމްގައި އެންމެ ފުޅާކޮށް ކުރިއަށްދާ ވިޔަފާރި އެވެ. ރާއްޖޭގެ އެކި ކަންކޮޅުތަކުގައި 500 ގެސްޓް ހައުސްއެއް ވަނީ ހުޅުވާފަ އެވެ. މީގެތެރެއިން 300 ތަނެއް ދަނީ އޮޕަރޭޓް ކުރަމުންނެވެ. ގެސްޓް ހައުސް ކޮންފަރެންސުގެ އޮންލައިން މީޑިޔާ ޕާޓްނަރަކީ "އަވަސް" އޮންލައިން އެވެ.