"ޓްރެއިނިން ވިތް އެމްވީ ޗެމްޕްސް" ގެ ނަމުގައި ރާއްޖޭގެ ޒުވާން އެތުލީޓުންނާއެކު ތަމްރީނު ހެއްދެވުމަށް، ރައީސުލް ޖުމްހޫރިއްޔާ އާއިކުރީގެ ރައީސުންނަށް އޮލިމްޕިކް ކޮމެޓީގެ ޖެނަރަލް ސެކެޓްރީ އަހުމަދު މަރުޒޫގު (މަރޭ) ދެއްވި ދައުވަތު ގަބޫލުފުޅު ކުރައްވާ، ރައީސުލްޖުމްހޫރިއްޔާ ޢަބްދުﷲ ޔާމީން އަބްދުލް ގައްޔޫމު ރާއްޖޭގެ އެންމެ ބާރު ދުވުންތެރިޔާ ހަސަން ސާޢިދުއާ އެކު ދުވެ ވަޑައިގެން ތަމްރީނު ފުރިހަމަ ކުރައްވައިފި އެވެ.
ސާޢިދުއަކީ ރާއްޖޭގެ އެންމެ ބާރު ދުވުންތެރިޔާގެ އިތުރުން ދެކުނު އޭޝިއާގައި ވެސް ފާހަގަކޮށްލެވޭ އެތުލީޓެކެވެ.
މި ހާއްސަ ޖަރަކާތުގެ ދަށުން މިހާތަނަށް ރާއްޖޭގެ މަޝްހޫރު ތަރިންނާއި ސިޔާސީ ފަރާތްތަކާއި ރާއްޖޭގެ ބޮޑެތި ކުންފުނިތަކުގެ އިސް ބޭފުޅުން ވަނީ ތަމްރީނުތަކުގައި ދިވެހި އެތުލީޓުންނާއެކު ބައިވެރިވެ އެ ފަރާތްތަކުގެ ހުނަރު ގާތުން ތަޖުރިބާކުރައްވާފަ އެވެ.
"ޓްރެއިނިން ވިތް އެމްވީ ޗެމްޕްސް" ގެ ޙަރަކާތުގައި ބައިވެރިވުމަށް ދަޢުވަތު ދެއްވި ބޭފުޅުންނަށް މި ޗެލެންޖް ފުރިހަމަކުރައްވަން ޖެހިވަޑައިގަންނަވާނީ އަންނަ މަހުގެ 7 ވަނަ ދުވަހު ފަށާ ޕެރެލައިމްޕިކްސް ނުވަތަ ސްޕެޝަލް އޮލިމްޕިކްސްގެ ހުޅުވުމުގެ ރަސްމިއްޔާތުގެ ކުރިންނެވެ.
ރައީސް ޔާމީން އެ މަނިކުފާނުގެ ޗެލެންޖް ތަމްރީނުތައް ފުރިހަމަ ކުރެއްވި އިރު މީގެ ކުރިން ކުރީގެ ރައީސް ވަނީ އެ ތަމްރީނުތައް ފުރިހަމަ ކުރައްވާފަ އެވެ.