ހަސަަންމެރިން އިންޖިނިއަރިން އިން "މާކިއުރީ ސީޕްރޯ" ސީރީޒްގެ އައުޓްބޯޑް އިންޖީނުގެ އާ ދެ މޮޑެލްއެއް ރާއްޖޭގެ ބާޒާރަށް ނެރެފި އެވެ.
މާކިއުރީ އުފެއްދުންތައް ރާއްޖޭގައި ވިއްކާ ހަސަން މެރިން އިންޖިނިއަރިން އިން އަލަށް ނެރެފައި ވަނީ މާކިއުރީ ސީޕްރޯ މޮޑެލްގެ 40 ހޯސްޕަވަރާއި 60 ހޯސްޕަވަރުގެ އައުޑްބޯޑް އިންޖީނެވެ. އެ ކުންފުނިން ވަނީ ގެސްޓްހައުސް ކޮންފަރެންސުގައި ގުރުއަތެއް ނަގައިގެން މި މަރުކާގެ އިންޖީނެއް ހިލޭ ދީފަ އެވެ. މި އިންޖީނު ލިބިފައިވަނީ ފުލިދޫލަޕޭލާ ގެސްޓް ހައުސް އަށެވެ. މި އިންޖީނާ ހަވާލުވީ އިބްރާހިމް ފާއިޒް އެވެ.
މާކިއުރީއިން މި ދެ އިންޖީނު އަލަށް ނެރުނީ، ވިޔަފާރީގެ އެކި ބޭނުންތަކަށް ހާއްސަކޮށްގެންނެވެ. މި އިންޖީނު ފަރުމާކޮށްފައިވަނީ ގިނައިރު، ހަލުވި ސްޕީޑުގައި ދުއްވާލެވޭ ގޮތަށެވެ. މިފަދަ އިންޖީނުތަކަކީ ރާއްޖޭގެ ޓޫރިޒަމް ދާއިރާގައި ހާއްސަކޮށް ގެސްޓްހައުސްތަކަށް އެންމެ ބޭނުންތެރި އެއް އިންޖީނު ކަމަށް ހަސަން މެރިންއިން ބުނެ އެވެ.
ހަސަަންމެރިން އިންޖިނިއަރިން އިން މާކިއުރީ އައުޓްބޯޓުގެ އާ ދެ މޮޑެލެއް ބާޒާރަށް ނެރުނުއިރު، މިދިޔަ އަހަރު ވެސް ވަނީ އާ މޮޑެލްތަކެއް ނެރެފަ އެވެ. އެއީ 75 ހޮސްޕަވަރާއި 90 އަދި 115 ގެ އިތުރުން 150 ހޮސްޕަވަރެވެ. މި އިންޖީނުތަކަށް ދަނީ ބޮޑު ތަރުހީބެއް ލިބެމުން ކަމަށް ހަސަން މެރިން އިންޖިނިއަރިން އިން ބުންޏެވެ.