ހުޅުމާޅެ ކުޑަކުދިންގެ ހިޔާގައި މިއަދު މަރުވި ތުއްތު ކުއްޖާގެ މަރުވުމުގައި، މުވައްޒަފެއްގެ އިހުމާލެއް އޮތް ނަމަ ފިޔަވަޅު އަޅާނެ ކަމަށް ޖެންޑާ މިނިސްޓްރީ އިން ބުނެފި އެވެ.
ފަސް މަހުގެ އެ ކުއްޖާ މަރުވުމާ ގުޅޭ ގޮތުން މިއަދު ޖެންޑަ މިނިސްޓްރީން ނެރުނު ބަޔާނެއްގައި ބުނީ، ކުއްޖާގެ މަރުގެ މްއަސަލަ ތަހުގީގު ކުރުމަށް އެދި ފުލުހުންގެ މުއައްސަސާއާއި ހިއުމަން ރައިޜްސް ކޮމިޝަނަށް ސިޓީ ފޮނުވާފައިވާ ކަމަށެވެ. އަދި އެ މުއްސަސާތަކުން އެކަން ބަލަމުން އަންނަ ކަމަށް ވެސް ކުޑަކުދިންގެ ހިޔާއިން ބުންޏެވެ.
މިހާތަނަށް ބެލިބެލުމުން އެ ކުއްޖާ މަރުވީ މުވައްޒަފެއްގެ އިހުމާލުން ކަމެއް ފާހަގަވެފައެއް ނުވެ އެވެ.
ޖެންޑާއިން ބުނި ގޮތުގައި، އެ މައްސަލައިގެ އިތުރު ތަފްސީލު ފަހުން ހާމަކުރާނެ އެވެ.