މޯލްޑިވިއަން އިން އަލަށް ގެންނަ ވައިޑް ބޮޑި މަތިންދާ ބޯޓު ދައްކާލުމަށް އެއާ ޝޯ ބާއްވަން ނިންމައިފި އެވެ.
މި ޝޯ އޮންނާނީ އަންނަ ހޯމަ ދުވަހުގެ ހަވީރު 5:00-5:30 އަށް މާލޭގެ އުސްފަސްގަނޑުގެ އިތުރުން ހުޅުމާލެ 1 އަދި 2ގެ އިރުމަތީ ފަރާތު އަތިރިމަތިން ފެންނަ ގޮތަށެވެ.
މޯލްޑިވިއަންގެ ވައިޑް-ބޮޑީ މަތިންދާބޯޓު -- އެއާބަސް އޭ-330 އަށް މަރުހަބާ ކިއުމަށް ތައްޔާރުވެފައިވާ ކަމަށް އެ އެއާލައިން ހިންގާ އައިލެންޑް އޭވިއޭޝަން ސާވިސް އިން ވަނީ ބުނެފަ އެވެ.
ވައިޑް ބޮޑީ މަތިންދާ ބޯޓެއް ހޯދުމަށް މޯލްޑިވިއަން އިން ނިންމީ ދުރު މަންޒިލްތަކަށް ދަތުރުކޮށް އިތުރު ޓޫރިސްޓުން ރާއްޖެ ގެނައުމަށެވެ.