ސްކޫލު ޗުއްޓީއާ ދިމާކޮށް ގައުމީ އެއާލައިން -- މޯލްޑިވިއަންގެ އެތެރޭގެ އުދުހުންތައް އިތުރުކޮށްފި އެވެ.
މޯލްޑިވިއަން އިން ވަނީ މިއަދުން ފެށިގެން މިމަހުގެ 20 ވަނަ ދުވަހުގެ ނިޔަލަށް ރާއްޖޭގެ އެތެރޭގެ ބައެއް މަންޒިލްތަކަށް ކުރާ ދަތުރުތައް އިތުރުކޮށްފަ އެވެ.
އެ ގޮތުން ކުޅުދުއްފުއްޓާއި ފުވައްމުލައް އަދި އައްޑޫ ސިޓީ ގަމަށް ކުރާ ދަތުރުތައް ވަނީ އިތުރުކޮށްފަ އެވެ.
މީގެ އިތުރުން ފަރެސްމާތޮޑާ އާއި މާވަރުލު އާއި ހޯރަފުށީގެ އިތުރުން ފުނަދޫ އާއި ހަނިމާދޫ އާއި ދަރަވަންދޫ އާއި ކައްދޫއަށް ކުރާ ދަތުރުތައްވެސް އިތުރުކޮށްފައިވެ އެވެ.
ދަތުރުތައް އިތުރުކުރި މަންޒިލްތަކާއި ދުވަސްތައް
- 16 ޑިސެމްބަރު - ފުވައްމުލައް، ގަން، ހޯރަފުށި،
- 17 ޑިސެމްބަރު - ކައްދޫ، ފުވައްމުލައް، ކުޅުދުއްފުށި، ފުނަދޫ
- 18 ޑިސެމްބަރު - ކައްދޫ، ފަރެސްމާތޮޑާ، ގަން، ހޯރަފުށި،
- 19 ޑިސެމްބަރު - ފުވައްމުލައް، ގަން، ހަނިމާދޫ، ދަރަވަންދޫ
- 20 ޑިސެމްބަރު - މާވަރުލު، ފުނަދޫ
ޗުއްޓީއާ ދިމާކޮށް އެތެރޭގެ އުދުހުންތައް އިތުރުކޮށް ޓިކެޓް ނެގުމަށް މޯލްޑިވިއަން އިން މިހާރު ވަނީ ހުޅުވާލާފަ އެވެ.