އިންޑިއާގެ އެކްސްޓާނަލް މިނިސްޓަރު ސުޝްމާ ސުވަރާޖްގެ ކިޑްނީ ފެއިލްވެ އެއިމްސް ހޮސްޕިޓަލުގައި ފަރުވާދޭން ފަށައިފި އެވެ.
ސުޝްމާ މިއަދު ކުރެއްވި ޓުވީޓެއްގައި ވިދާޅުވެފައި ވަނީ އެކަމަނާގެ ކިޑްނީ ފެއިލްވެ މިހާރު އެއިމްސް ހޮސްޕިޓަލުން ޑަޔަލަސިސިް ހައްދަވަމުންދަވާ ކަމަށެވެ. އަދި މިހާރު ކިޑްނީ ޓްރާންސްޕްލާންޓް ހެދުމަށް ބޭނުންވާ ޓެސްޓުތައް ވެސް ހައްދަވަމުން އަންނަ ކަމަށް ވެސް ޓުވީޓް ކުރައްވާފައި ވެއެވެ. ބުނެފައިވެ އެވެ.
އިންޑިއާގެ ނޫސްތަކުގައި ބުނެފައިވަނީ އެކަމަނާގެ ހާލު މިހާރު ރަނގަޅު ކަމަށެވެ. އެކަމަނާއަކީ ކްރޯނިކް ޑައިބެޓިކް ޕޭޝަންޓެއް ކަމަށާއި ކިޑްނީ ފެއިލްވާން ދިމާވީ އެސަބަބާ ހުރެ ކަމަށް ޑޮކްޓަރުން ވިދާޅުވާ ކަމަށެވެ. ސުޝްމާ ޑައިބެޓިކް އަށް ފަރުވާކުރައްވާ މިހާރު 20 އަހަރުވެފައިވާ ކަމަށްވެ އެވެ.
މި މަހުގެ ހަތް ވަނަ ދުވަހުން ފެށިގެން އެކަމަނާ ގެންދަވަނީ އެއިމްސް ހޮސްޕިޓަލުގައި ފަރުވާ ހޯއްދަވަމުންނެވެ. މިއަހަރުގެ އޭޕްރިލް މަހުވެސް އެކަމަނާ ހޮސްޕިޓަލުގައި ފަރުވާ ހޯއްދެވި އެވެ. އެފަހަރު ފަރުވާކުރެއްވީ ނިއުމޯނިއާ އާއި އެހެނިހެން ބައެއް ބަލިތަކަށެވެ.