އޭޝިޔަން ޑިވެލޮޕްމަންޓް ބޭންކް (އޭޑީބީ) ގެ އެގްޒެކެޓިވް ޑިރެކްޓަރު މުހައްމަދު ސާމީ ސަޢީދު ރައީސް އަބްދުﷲ ޔާމީނާ މިއަދު ބައްދަލު ކުރައްވައިފި އެވެ.
ރައީސް އޮފީހުގައި މިއަދު ހެނދުނު އޮތް ބައްދަލުކުރެއްވުމުގައި، އޭޑީބީގެ އެހީގައި ރާއްޖޭގައި ހިނގަމުންދާ ތަރައްޤީގެ މަޝްރޫޢުތަކާ ބެހޭގޮތުންނާއި، އިގްތިސޯދީ އަދި އެހެނިހެން ދާއިރާތަކުން އޭޑީބީގެ އެހީތެރިކަން ރާއްޖެއަށް ފޯރުކޮށްދެއްވުމާ ބެހޭގޮތުން ދެބޭފުޅުން މަޝްވަރާކުރެއްވިއެވެ.
ރައީސް ޔާމީންގެ ވާހަކަފުޅުގައި، ތަރައްޤީގެ ރޮނގުން ރާއްޖެއިން ކުރާ ހުރިހާ މަސައްކަތެއްގައި އޭޑީބީންދޭ އެހީތެރިކަމާއި އެއްބާރުލުން ފާހަގަކުރައްވައި، ޝުކުރު އަދާކުރެއްވިއެވެ.
އޭޑީބީގެ އެގްޒެކެޓިވް ޑިރެކްޓަރު ވަނީ ރާއްޖޭގެ އިގްތިސޯދު ފުޅާކުރަން ރައީސް ޔާމީނުގެ ސަރުކާރުން އަޅާ ހަރުދަނާ ފިޔަވަޅުތަކުގެ މައްޗަށް އަލިއަޅުއްވައިލައްވައި ތަޢުރީފު ކުރައްވާފަ އެވެ. އަދި، ސަރުކާރުން ކުރާ މަސައްކަތުގައި އޭޑީބީގެ އެއްބާރުލުމާއި އެހީތެރިކަން އަބަދުވެސް އޮންާނެ ކަމަށް ވިދާޅުވި އެވެ.