ޒަކާތު ފަންޑުގެ އެހީގައި ބޯންމެރޯ ޓްރާންސްޕްލާންޓް ހަދަން އިންޑިޔާ އާއި ސްރީލަންކާއަށް މިއަދު ފުރި 10 ކުއްޖަކާއި، އެކުދިންގެ އާއިލާތަކާ ރައީސުލްޖުމްހޫރިއްޔާގެ އަނބިކަނބަލުން ބައްދަލުކުރައްވައިފިއެވެ.
ރައީސުލްޖުމްހޫރިއްޔާގެ އަނބިކަނބަލުން މިކުދިންނާއި ބައްދަލުކޮށްލެއްވީ، މިއަދު ހެނދުނު އިބްރާހިމް ނާސިރު އިންޓަނޭޝަން އެއާޕޯޓުގަ އެވެ.
މި ބައްދަލުކުރެއްވުމުގައި، ނޭޝަނަލް ސޯޝަލް ޕްރޮޓެކްޝަން އެޖެންސީގެ ފަރާތުން ރައީސުލްޖުމްހޫރިއްޔާގެ އަނބިކަނބަލުންނަށް ޝުކުރު އަދާ ކުރެއްވުމުގެ ގޮތުން ހަނދާނީ ފިލައެއް އެރުވުން އޮތެވެ. މީގެ އިތުރަށް މިއަދު ފުރި 10 ކުދިންނަށް ރައީސުލްޖުމްހޫރިއްޔާގެ އަނބިކަނބަލުންގެ ފަރާތުންވެސް ވަނީ ހަނދާނީ ފިލާ އަރުއްވާފަ އެވެ.