ނޭޝަނަލް އިންޓެގްރިޓީ ކޮމިޝަން (އެންއައިސީ) ގެ ރައީސް ކަމުގައި ހުންނެވި ފަރުހާދު މުހައްމަދު ވަކިކޮށް ނައިބު ރައީސް ކަމުގައި ހުންނެވި ޔޫސުފު މާނިއު މުހައްމަދު ކޮމިޝަނުގެ ރައީސް ކަމަށް ރައީސުލްޖުމްހޫރިއްޔާ ހަމަޖައްސަވައިފި އެވެ. މި ބަދަލު ގެނެސްފައިވާ ކަމަށް އެ ކޮމިޝަނުން މިއަދު ވަނީ ޔަގީންކޮށް ދީފައެވެ.
އެ ކޮމިޝަނުގެ ރައީސް ކަމުގައި މިހާތަނަށް ހުންނެވީ ފަރުހާދު މުހައްމަދެވެ. އޭނާގެ މެންބަރަކު ކަމުން ވަކި ކުރެއްވުމުން ދެން ނައިބު ރައީސަކު ހޮވަންޖެހޭނީ ކޮމިޝަނުގެ ޖަލްސާއަކުންނެވެ
އެންއައިސީއަކީ ކުރިން ޕީއައިސީ އިން ބަލަމުން ދިޔަ ފުލުހުންގެ މައްސަލަތަކާއި ސީއައިސީ އިން ކުރިން ބަލަމުން ދިޔަ ކަސްޓަމްސްގެ މައްސަލަތަކާއި އިމިގްރޭޝަން ޑިޕާޓްމަންޓުގެ މައްސަލަތަކާއި އަދި ކަރެކްޝަނަލް ސާވިސްއާ ގުޅޭ މައްސަލަތައް ބަލަން އުފައްދާފައިވާ ކޮމިޝަނެކެވެ.
އެންއައިސީގެ މެންބަރުންގެ ގޮތުގައި މާނިއުގެ އިތުރުން ދެން ތިއްބަވާނީ ހައްސާނު ހަމީދާއި، ޚަދީޖާ އަބްދުﷲ އެވެ